معلومات

انگریزی میں ’ڈاکٹر ٹری‘ یا ’مورنگا‘ کہلائے جانے والا سوہانجنا کا درخت اپنی بے شمار افادیت کی وجہ سے دنیا بھر میں کرشماتی درخت کہلاتا ہے۔

سوہانجنا کا استعمال مجموعی صحت سے لے کر خوبصورتی میں اضافے کے لیے بھی بے حد معاون ہے، سوہانجنے کے درخت سے حاصل ہونے والے پتے، ٹہنیاں، پھلیاں اور پھولوں سے متعلق کہا جاتا ہے کہ اس میں 300 بیماریوں کا علاج ہے اسی لیے اسے انگریزی میں ’ڈاکٹر ٹری‘ کے نام سے بھی جانا جاتا ہے۔اس بات سے اندازہ لگایا جا سکتا ہے کہ سوہانجنا کی افادیت نباتاتی شعبے سمیت سائنس بھی مانتی ہے، سوہانجنا کا استعمال خواتین کی صحت کے لیے نہایت موزوں قرار دیا جاتا ہے۔

ماہرین کے مطابق مورنگا وٹامنز اور منرلز سے بھرپور درخت ہے جس کے 100 گرام پتوں میں 99.1 ملی گرام کیلشیم، 1.3 ملی گرام آئرن، 35.1 ملی گرام میگنیشیم، 70.8 ملی گرام فورسفورس، 471 ملی گرام پوٹاشیم، 70 ملی گرام سوڈیم اور 0.85 ملی گرام زنک پایا جاتا ہے۔تحقیق کے مطابق اس پودے کو جنوبی پنجاب سے دریافت کیا گیا تھا جس کے بعد یہ پودا برصغیر کے دیگر حصوں اور جنوبی افریقا میں پہنچا۔دنیا بھر کے ماہرین غذائیت اور فوڈ سائنس کے ماہرین اس کرشماتی پودے کی خصوصیات پر حیران ہیں، اس کے ہر حصے کو بطور غذا استعمال کیا جاسکتا ہے مثلاً پھول بطور سبزی، پھلی کا اچار اور سالن تیار کیا جاتا ہے جبکہ جڑوں کا اچار پاک و ہند میں مقبول ہے۔

تحقیقات کے مطابق مورنگا میں دودھ کے مقابلے میں 17گنا زیادہ کیلشیم، دہی سے 9گنا زیادہ پروٹین، گاجر سے 4گنا زیادہ وٹامن اے، بادام سے 12گنا زیادہ وٹامن ای، کیلے سے 15گنا زیادہ پوٹاشیم اور پالک سے 19گنا زیادہ فولاد پایا جاتا ہے۔امریکی ایگریکلچر ڈیپارٹمنٹ کی جانب سے کی گئی ایک تحقیق کے مطابق سوہانجنا کے پتوں میں وٹامن اے اور ای پایا جاتا ہے جس کے سبب اس کے استعمال سے اسکن صاف شفاف اور نکھر جاتی ہے، یہ عمر کے اثرات بھی کم کرتا ہے اور جھریوں کے عمل کو روکتا ہے۔

اس میں موجود اینٹی آکسیڈنٹ اور اینٹی انفلامینٹری خصوصیات ایکنی بننے کے عمل کو روکتی ہیں۔اس کے پتوں کو سکھا کر پاؤڈر بنا کر محفوظ کیا جا سکتا ہے، مورنگا پاؤڈر میں دودھ، عرق گلاب، لیموں کے قطرے ملا کر ماسک کی صورت استعمال کیا جا سکتا ہے جبکہ تازہ پتے پیس کر بھی چہرے پر لگا ئے جا سکتے ہیں۔کیلشیم کی بھر پور مقدار پائے جانے کے سبب سوہانجنا کے پتوں کے استعمال سے نظام ہاضمہ کی کارکردگی بہتر ہوتی ہے جبکہ فائبر کی بھی مقدار حا صل ہوتی ہے، مورنگا آنتوں اور معدے کی جملہ امراض میں مفید ہے۔

مورنگا میں کلوروجینک ایسڈ پایا جاتا ہے جس کے سبب اس کے استعمال سے انسولین کا اخراج متوازن ہوتا ہے، کلوروجینک ایسڈ غذا کے استعمال کے بعد اچانک خون میں شوگر لیول بڑھنے سے بھی بچاؤ ممکن بناتا ہے ۔مورنگا میں اینٹی آکسڈنٹ کی قسم ’ قوارسٹین ‘ پائی جاتی ہے جس سے بلڈ پریشر کنٹرول رہتا ہے۔

جرنل آف نیوٹریشن میں شائع ہونے والی ایک ہیلتھ رپورٹ کے مطابق سوہانجنا کے استعمال سے انسانی جسم مین کولیسٹرول کی سطح بھی متوازن رہتی ہے جبکہ اس کے باقاعدگی کے استعمال سے وزن میں بھی کمی آتی ہے۔واضح رہے پورے پاکستان میں سوہانجنا کے درخت پائے جاتے ہیں۔ کراچی کے اکثر گلی کوچوں اور سڑکوں پر اس کے درخت لگے نظر آتے ہیں۔

چین کے زیراستعمال دنیا کے جدید ترین لڑاکا J-10-C طیاروں کی دوسری کھیپ آج عوامی جمہوریہ چین سے پاکستان پہنچے گی۔J-10-C طیاروں کی پہلی کھیپ پاکستان پہنچ چکی ہے جبکہ آج دوسری کھیپ وطن عزیز پہنچ جائے گی جس کے بعد پاک فضائیہ کے پاس اس جنگی طیاروں کی کُل تعداد 12 ہوجائے گی۔23 مارچ کی فوجی پریڈ میں یہ جدید طیارے بھی فلائی مارچ پاسٹ میں حصہ لیں گے، ان لڑاکا طیاروں پر پاکستانی پائلٹوں نے تربیت بھی حاصل کر لی ہے۔J10-C جدید ترین آلات سے لیس ہے، چین کا یہ طیارہ دنیا کے جدید ترین طیاروں سے بہتر ہے، اس طیارے کی پاکستان ایئر فورس کے بیڑے میں شمولیت سے پاک فضائیہ کی قوت میں زبر دست اضافہ ہو گا۔اس سے قبل چین کی مدد سے جے ایف تھنڈر 17 پاکستان میں تیار ہو رہے ہیں، کم قیمت کے باوجود یہ طیارے بھی شاندار کارکردگی کا مظاہرہ کر رہے ہیں ۔J- 10 سی لڑاکا طیارے فرانس سے حاصل کردہ بھارتی رافیل جنگی طیاروں کا احسن طریقے سے مقابلہ کر سکیں گے۔J- 10 سی میڈیم ویٹ فائٹر کومبیٹ ایئر کرافٹ ہے اور سنگل انجن طیارہ ہے، یہ چین کی ایئر فورس میں ریڑھ کی ہڈی کی حیثیت رکھتے ہیں۔چین میں جے- 10 طیاروں کی بڑی تعداد فضائیہ و بحری فوج کے استعمال میں ہے،

جے- 10 کا تازہ ترین ورژن

چین کے بعد پاکستان وہ دوسرا اور واحد ملک ہو گا جو جے- 10 سی لڑاکا طیارے کو استعمال کرے گا۔ چینی جے- 10 بمقابلہ امریکی ایف22
رائل یونائیٹڈ سروس انسٹیٹیوٹ کے ریسرچ فیلو جسٹن برونک کا جے ایف سی لڑاکا طیاروں کے بارے میں کہنا ہے کہ کسی بھی ملک کے پاس اس وقت چین سے زیادہ نئے طیاروں کے پروگرام نہیں ہیں، چین نے گزشتہ بیس برسوں میں جو ترقی کی ہے وہ شاندار ہے۔انہوں نے کہا کہ J- 10 طیاروں کا موازنہ کسی حد تک امریکا کے ایف 22 طیاروں سے کیا جاسکتا ہے ۔ماہرین کے مطابق J- 10 بحری جہاز تباہ کرنے والے مؤثر میزائلوں سے لیس ہوتے ہیں اور حملے کی کارروائیوں میں استعمال ہو سکتے ہیں۔

جے- 10 طیاروں کی تاریخ
J- 10 (جیان 10 یا فائٹر 10 ) چین کا ملٹی رول لڑاکا طیارہ ہے جسے چینگڈو ایئر کرافٹ انڈسٹری نے تیار کیا، چینگڈو ایئر کرافٹ انڈسٹری چائنا ایوی ایشن انڈسٹری کارپوریشن کا حصہ ہے، چینی ساختہ J- 10 لڑاکا طیارہ ’طاقتور ڈریگن‘ کے نام سے بھی جانا جاتا ہے۔

چین کی پیپلز لبریشن آرمی (پی ایل اے) میں فوج، بحریہ، فضائیہ اور اسٹریٹجک راکٹ فورس شامل ہیں، J-10 طیاروں کو J-7 اور Q-5 کا متبادل سمجھا جاتا ہے۔

جے- 10 کا ڈیزائن
J- 10 لڑاکا طیاروں کا ڈھانچہ ٹیل لیس ڈیلٹا ونگ، فورپلین اور ایک سویپٹ بیک عمودی ٹیل پر مبنی ہے۔ ٹیل کے قریب دو مستحکم، ظاہری طور پر کینٹڈ وینٹرل پنکھے ہوتے ہیں۔J- 10 کا سائز اور ڈیزائن اسرائیلی ایئر کرافٹ انڈسٹریز لاوی لڑاکا طیارے سے بہت ملتا جلتا ہے، جو خود USAF F-16 طیاروں سے مشابہت رکھتا ہے اور اسی سے حاصل کردہ ٹیکنالوجی بھی اس میں استعمال کی گئی ہے۔

جے- 10 کی کارکردگی
J-10 اونچائی پر زیادہ سے زیادہ 2 ہزار 327 کلومیٹر فی گھنٹہ کی رفتار سے اُڑ سکتا ہے اور اس کی سروس کی حد 18 ہزار میٹر ہے۔ طیارے کی رینج اور فوری طور پر پیچھے مُڑنے کی صلاحیت بالترتیب 1 ہزار 850 کلومیٹر اور 550 کلومیٹر ہیں۔

طیارے کا وزن تقریباً 9 ہزار 750 کلوگرام ہے اور اس کا زیادہ سے زیادہ ٹیک آف وزن 19 ہزار 277 کلوگرام ہے۔

جے- 10 سی کا انجن
J- 10 سی کا تھرسٹ لائٹ ہے جوکہ اس کو بہتر انجن پرفارمنس دکھانے کا موقع دیتا ہے، اس کے انجن 79.43 کے این ہے اور تھرسٹ 125 کے این ہے۔

طیارے کی خصوصیات
یہ جدید ترین ملٹی رول سنگل انجن اور 4.5 جنریشن ڈیلٹا ونگ لڑاکا طیارہ ہے۔ طیارہ پرواز کیلئے فلائی بائے وائر کنٹرولز، پلک جھپکتے مڑنے ، بہترین حربی صلاحیتوں کا حامل ہے۔
طیارے کا ہوا باز اپنے ہیلمٹ اور کاکپٹ میں ملٹی فنکشن ڈسپلے سے انتہائی اہم آپریشنز میں کلیدی مدد حاصل کر سکتا ہے، جدید ترین اییسا اور پلینر ارے ریڈارز سے بیک وقت کئی اہداف کی نشاندہی، انہیں نشانہ بنانے کی بہترین صلاحیت رکھتا ہے۔

J- 10 طیارہ ہر قسم کے موسم اور حالات میں تیر بہ ہدف آپریشنز کر سکتا ہے، یہ بنیادی طور پر فضاسے فضا میں لڑاکا آپریشنز کیلئے مختص ہے ، تاہم اسٹرائیک آپریشنز میں بھی انتہائی کارگر ہے ۔جے ایف 17 تھنڈر بلاک تھری کی مانند J- 10 سی پر بھی پی ایل 15 میزائل نصب ہونگے ، ان کیساتھ پی ایل 8، 10، 12 اور اینٹی شپ میزائل بھی دستیاب ہیں .ا

احساس پروگرام میں رجسٹرڈ ہونے کیلئے اپنا شناختی کاررڈ نمبر بغیر ڈیش کے 8171 پر ایس ایم ایس کریں مستحق خاندان کو 12 ہزار روپے ملیں گے۔یاد رہے جن خواتین کو بےنظیرانکم سپورٹ پروگرام کی رقم ملتی ہے انکو وہ رقم اب پچھلے 9 مہینوں سے احساس پروگرام سے ملتی ہیں لہذا ان کا گھرانہ ایس ایم ایس نہ کرے۔اگر کوئی شخص یا اسکی بیوی یا بچے ماہانہ ایک_ہزار روپے کا ایزی_لوڈ کرتے ہیں یا ان میں سے کسی کے نام پر گاڑی رجسٹرڈ ہے تو وہ بھی احساس پروگرام میں رجسٹرڈ نہیں ہوگاجن خواتین کو طلاق ہوچکی ہے اگر ان کے سابقہ شوہر کا پاسپورٹ بنا ہو تو وہ بھی احساس پروگرام میں شامل نہیں ہوگا۔جو شخص خود یا بیوی بچوں میں سے کوئی سرکاری ملازم ہوگا اسکا نام بھی احساس پروگرام میں رجسٹرڈ نہیں ہوگا۔اگر کسی کا شخص کا پاسپورٹ بنا ہو یا اسکے ماں باپ اور بیوی بچوں میں سے کسی کا پاسپوٹ بنا ہو تو وہ احساس پروگرام میں رجسٹرڈ نہیں ہوسکتا۔جن افراد کو ماہانہ پنشن ملتی ہے انکا نام بھی احساس پروگرام میں رجسٹرڈ نہیں ہوگا۔جس کے بینک اکائونٹ میں 25 ہزار یا زائد رقم ہوگی وہ بھی احساس پروگرام میں شامل نہیں ہوگا

جس کو یہ مسیج آئے گا کہ
برائے مہربانی احساس ایمرجنسی پروگرام کی رجسٹریشن کے لئے اپنے #متعلقہ_ضلع_انتظامیہ سے رابطہ کریں.
وہ احساس پروگرا میں شامل نہیں ہوسکتا
جس کو یہ مسیج آئے گا کہ
‏آپ کے والد یا والدہ احساس ایمرجنسی پروگرام کے لئے اہل ہیں. رقم کے حصول کے لئے بذریعہ ایس ایم ایس آپ کو جلدآگاہ کیا جائے گا
یہ گھرانا احساس پروگرام کیلئے اہل ہے اور اسکو 12 ہزار روپے ملیں گے