International News by The Pk Media
عرب میڈیا کے مطابق ولی عہد شہزادہ حسین بن عبداللّٰہ دوم واشنگٹن میں خارجہ امور، فوجی خدمات، ہوم لینڈ سیکیورٹی اور دیگر کمیٹیوں میں امریکی کانگریس کے نئے ارکان سے ملاقات کر رہے ہیں۔اردن کے ولی عہد کا کہنا ہے کہ ملاقاتوں میں علاقائی مسائل، سائبر سیکیورٹی اور اسٹریٹجک پارٹنرشپ سمیت متعدد امور پر تبادلہ خیال کیا گیا۔واضح رہے اردنی شہزادے نے یکم جون 2023 کو سعودی خاتون رجوہ سے شادی کی تھی۔
ترکیہ میں صدارتی انتخابات کےلیےدوبارہ ووٹنگ ہوگی۔ انقرہ سے ترک الیکشن بورڈ کے مطابق کوئی بھی صدارتی امیدوار 50 فیصد ووٹ حاصل نہیں کرسکا۔ترک الیکشن بورڈ کا کہنا ہے کہ ترکیہ میں صدر کے انتخاب کےلیے دوبارہ ووٹنگ 28 مئی کو ہوگی۔ترک الیکشن بورڈ کے مطابق صدارتی انتخابات میں ڈالے گئے 35 ہزار ووٹ ابھی گننے باقی ہیں۔ترک الیکشن بورڈ کے مطابق صدر اردوان نے 49.51 فیصد جبکہ ان کے حریف کمال کلیچدار اوگلو نے 44.88 فیصد ووٹ حاصل کیے۔
کوریا کی معروف گلوکارہ ہائی سو نے خودکشی کرلی۔ ان کی موت کی تصدیق پولیس نے دو روز بعد کی۔غیر ملکی میڈیا رپورٹس کے مطابق 29 سالہ گلوکارہ کی لاش پولیس کو دو روز قبل ملی لیکن اس وقت اس کی شناخت ظاہر نہیں کی گئی۔کورین میڈیا کے مطابق ہائی سو کی لاش کے پاس سے ایک تحریر ملی جو آنجہانی گلوکارہ نے اپنی زندگی کے خاتمے سے قبل لکھی۔پولیس حکام نے اس خط میں لکھے گئے پیغام کو عوام کے سامنے لانے سے گریز کیا ہے۔اس سے قبل یہ رپورٹس منظر عام پر آئی تھیں کہ ایک گلوکارہ اپنے کمرے میں مردہ حالت میں پائی گئی، جس نے مبینہ طور پر خودکشی ہے۔پولیس نے اس معاملے میں قتل کے امکانات کو رد نہیں کیا ہے، واقعے کی تحقیقات کا آغاز بھی کردیا گیا ہے۔
مصنوعی ذہانت سافٹ ویئر انجینئرنگ کا ایک بہت بڑا حصہ ہے جو ایسے کاموں کو انجام دینے کے لیے موزوں مشینیں بنانے کے بارے میں فکر مند ہے جو عام طور پر انسانی سوچ کو سمجھ سکتی ہیں۔ جب کہ نقلی ذہانت متعدد طریقوں کے ساتھ ایک بین الضابطہ سائنس کے، AI میں پیشرفت اور گہرائی سے سیکھنے، خاص طور پر، بنیادی طور پر ٹیکنالوجی کے ہر شعبے میں نقطہ نظر میں تبدیلی لا رہی ہے۔
انسان کا بنایا ہوا شعور مشینوں کو انسانی دماغ کی صلاحیتوں کو ظاہر کرنے، یا انہیں بہتر کرنے میں مدد دیتا ہے۔ مزید برآں، سیلف ڈرائیونگ گاڑیوں کی ترقی سے لے کر سری اور الیکسا جیسے شاندار ساتھیوں کی تیاری میں مدد دیتا ہے، نقلی ذہانت رفتہ رفتہ روزمرہ کے امور کے لیے ضروری بنتی جا رہی ہے – اوراس پر ہر صنعت میں علاقائی تنظیمیں وسائل خرچ کر رہی ہیں۔
اس ٹیکنالوجی کے ذریعےتمام چیزوں پر غور کیا جاتا ہے، یہ فریم ورک عام طور پر انسانی دماغی صلاحیتوں سے جڑے کام انجام دے سکتے ہیں – جیسے گفتگو کو سمجھنا، گڑبڑ کو ٹھیک کرنا اور ڈیزائن کو پہچاننا۔ وہ عام طور پر یہ سمجھتے ہیں کہ معلومات کی اتنی بڑی مقدار کو کیسے کرنا ہے، اپنی ذہانت سے کام کو انجام دینے کے لیے کوشش کرتے ہیں۔ مجموعی طور پر لوگ انسان کی بنائی ہوئی ذہانت کے سیکھنے کے طریقے کو منظم کریں گے، بہترین انتخاب تیار کریں گے اور خوفناک چیزوں کو نیچے رکھیں گے۔ پھر بھی، کچھ انسانوں کے بنائے ہوئے انٹیلی جنس فریم ورک کا مقصد بغیر انتظام کے سیکھنا ہوتا ہے – مثال کے طور پر کمپیوٹر گیم کو بار بار کھیلنا جب تک کہ وہ بالآخر اصولوں اور جیتنے کا طریقہ طے نہ کر لیں۔
الریاض( زاہد شریف)
پاکستان مسلم لیگ ن السعودی عرب نے صدر انٹرنیشنل افیئرز سینیٹر اسحاق ڈار، جنرل سیکریٹری محترم چودھری نورالحسن اور چیف کوآرڈینیٹر بیرسٹر امجد ملک کی ہدایات پر 23 مارچ کو یوم_پاکستان کے حوالے سے شاندار تقریب کا اہتمام کیا گیا۔جس کی صدارت سئنیر نائب صدر مسلم لیگ ن سعودی عرب محمودالحق ڈوگر نے کی، اور.میزبانی کے فرائض چوہدری طارق بریار نے انجام دیے،دیگر مہمان گرامی میں چوہدری عبدالمجید گجر فونڈر ممبر مسلم لیگ ن السعودیہ، ڈاکٹر محمود احمد باجوہ صاحب فونڈر ممبر، مخدوم آمین تاجر صاحب فونڈر ممبر،چوہدری سجاد علی، عدنان اقبال بٹ،ضرار خان لاشاری،چوہدری اسلم عاشق، انجینئر ظہیر مغل،چوہدری طارق بریار، سردار محمد نواز،حاجی سجاد حسین،فیصل واہلہ،چوہدری نواز،چوہدری سہیل، ڈاکٹر طارق عزیز سمیت کثیر تعداد میں لیگی کارکنوں نے شرکت کی،
قم المقدس ایران سے سید کمیل گردیزی کی رپورٹ
دنیا بھر کی طرح یومِ پاکستان کی تقریب ایران کے شہر قم میں بھی منعقد ہوئی۔ایران کے شہر قم المقدس میں سپورٹ کشمیر انٹرنیشنل فورم نے ۲۳مارچ کی مناسبت سے ایک تحلیلی اجلاس کا اہتمام کیا۔شرکائے اجلاس نے شرکاء نے تحریکِ پاکستان کے بانیوں اور شہدا کی قربانیوں، خدمات اور بصیرت کو سراہا اور خراجِ عقیدت پیش کیا۔نشست سے گفتگو کرتے ہوئے اصغریہ علم و عمل تحریک پاکستان کے مرکزی سیکرٹری تعلیم برادر قمر عباس غدیری نے قیامِ پاکستان کے فلسفے اور موجودہ تقاضوں پر روشنی ڈالی۔
انہوں نے کہا کہ ہمارے آباواجداد نے یہ ملک اس لئے بنایا تھا کہ اس میں لوگوں کو امن و امان، تحفظ اور بھائی چارہ میسّر ہو گا تاہم بدقسمتی سے ایسا نہ ہو سکا۔انہوں نے ملک کو موجودہ صورتحال سے نکالنے کیلئے ایک مشترکہ منصوبہ بندی کی ضرورت پر زور دیا۔
ان کے بعد ایم ڈبلیو ایم پاکستان کے امورِ خارجہ کے مسئول حجۃ الاسلام ڈاکٹر شفقت شیرازی نے قیامی پاکستان کے حوالے سے قائداعظم محمد علی جناح کی خدمات پر روشنی ڈالی۔ان کے مطابق قائداعظم نے مکار انگریزوں اور شدت پسند ہندووں کے ساتھ ساتھ مسلمانوں میں موجود انگریزوں اور کانگرس کے آلہ کاروں کا ڈٹ کر مقابلہ کیا۔انہوں نے کہا کہ جو لوگ انگریزوں اور کانگرس کے نمک خوار اور قائداعظم محمد علی جناح نیز قیامِ پاکستان کے دشمن تھے وہی آج پاکستان کی سلامتی اورامن عامہ کیلئے خطرہ بنے ہوئے ہیں۔
آخر میں شراکاء نے پاکستان کی سلامتی، ترقی اور خیر و بھلائی کیلئے اجتماعی دعا بھی کی اور یومِ پاکستان کی مناسبت سے کیک بھی کاٹا۔میزبانی کے فرائض سپورٹکشمیر فورم کے ترجمان نذر حافی نے انجام دئیے۔ انہوں نے اجلاس کے اہم نکات کا خلاصہ کرنے کے علاوہ ایم ڈبلیو ایم قم کے مسئول حجۃ الاسلام شیدا حسین جعفری اور دیگر مہمانوں کا خصوصی طور پر شکریہ بھی ادا کیا۔
بھارتی ریاست مغربی بنگال میں بی ایس ایف اہلکار کی فائرنگ سے ساتھی اہلکار ہلاک ہوگیا۔بھارتی میڈیا کے مطابق بارڈر سیکیورٹی فورس اہلکار نے فائرنگ کے بعد خودکشی کرلی۔میڈیا نے مزید بتایا کہ فائرنگ کا واقعہ دونوں اہلکاروں کے درمیان تلخ کلامی کے بعد پیش آیا۔بھارتی میڈیا کے مطابق گزشتہ روز امرتسر میں بھی بی ایس ایف اہلکار نے فائرنگ کرکے 4 ساتھی اہلکاروں کو ہلاک کردیا تھا اور خودکشی کرلی تھی۔
افریقہ کے خطے کانگو میں 32 سالہ دولہے نے ایک ہی وقت میں تین بہنوں سے شادی کر کے دنیا کو حیران کردیا۔
کانگو کے علاقے کیو کے رہائشی 32 سالہ مسٹر لوریز نے گزشتہ ہفتے نٹالی، نادیگے اور نتاشا نامی بیک وقت پیدا ہونے والی تینوں ہمشکل بہنوں سے ایک ہی وقت میں شادی کرلی۔لوریز کا بتانا ہے کہ ان کی انٹرنیٹ پر نتالی نامی ایک لڑکی سے دوستی ہوئی اور پھر ملاقات کا سلسلہ شروع ہوا تو انہوں نے شادی کا فیصلہ کیا۔
غیر ملکی میڈیا رپورٹس کے مطابق جب لوریز نتالی کی دوسری ہمشکل بہنوں سے ملے تو انہیں تینوں ہی پسند آگئیں۔حیرت انگیز بات یہ ہے کہ تینوں بہنوں نے بھی لوریز سے شادی کی رضامندی ظاہر کی اور پھر تینوں نے ایک ہی روز ایک ہی دولہے سے شادی کرلی۔
ایران کا اسلامی انقلاب ساری دنیا خصوصا کشمیریوں کیلئے نمونہ عمل ہے۔
قم المقدس ایران سے اشرف سراج کی رپورٹ
انقلاب اسلامی ایران کے شہدا اور مقبول بٹ شہید کی یاد میں ایک مجلس مذاکرہ بعنوان
خون صد ہزار انجم سے ہوتی ہے سحر پیدا کا اہتمام کیا گیا۔
مجلس مذاکرہ کیلئے علامہ اقبال کی نظم طلوع اسلام کے مذکورہ مصرعے کو عنوان قرار دیا گیا تھا۔
مجلس مذاکرہ کے انعقاد کا مقصد استعمار کے خلاف انقلاب کی کامیابی میں شہدا کے خون کی مدیریت اور ان کے پیغام کو نسل در نسل زندہ رکھنے کیلئے مختلف زاویوں کا جائزہ لینا تھا۔ اسلامی جمہوریہ ایران کے انقلابی اور علم و اجتہاد کے شہر قم میں منعقدہ اس مجلس مذاکرہ میں جہاں اسلامی انقلاب کے شہدا کو خراج عقیدت پیش کیا گیا وہیں مقالہ خوان حضرات نے قائد کشمیر شہید مقبول بٹ کے عزم اور نظریات پر بھی فکرانگیز گفتگو کی۔
مجلس مذاکرہ کے منتظم محترم منظوم ولایتی نے قاری عارف بلتستانی سے تلاوت قرآن مجید کرنے کی درخواست کی۔ تلاوت کے بعد انہوں نے مجلس مذاکرہ کا مقدمہ بیان کیا۔ مقدمے کے بعد پہلے مقالہ خوان محترم نذر حافی صاحب کو دعوت مقالہ خوانی دی گئی۔ انہوں نے اپنے مقالے کو تین حصوں میں تقسیم کر کے مقررہ وقت میں تمام کیا۔ ان کے مقالے کا پہلا حصہ شہید مقبول بٹ کے نظریات و افکار، دوسرا حصہ انقلاب اسلامی ایران کی خصوصیات اور تیسرا حصہ تحریک کشمیر اور انقلاب اسلامی ایران کے مشترکات پر مبنی تھا۔
ان کے بعد دوسرے مقالہ خوان محترم بشیر دولتی صاحب نے اپنے مقالے میں اسلامی انقلاب کی انفرادیت اور مقبول بٹ شہید نیز تحریک کشمیر کی انفرادیت پر گفتگو کی۔
مقالہ خوانی کے بعد سوالات اور تبصرہ جات کا سیشن شروع ہوا۔ اس موقع پر فاضل محقق محترم محمد حسین چمن آبادی نے پیش کردہ مقالات پر جامع تبصرہ بھی کیا اور جاندار سوالات بھی کئے۔ مقالہ خوان شخصیات نے سوالات کے تسلی بخش جوابات دئے۔
اس کے بعد صدر مجلس حجۃ الاسلام ڈاکٹر شفقت حسین شیرازی نے اپنا صدارتی خطبہ بیان کیا جس میں ایران کے اسلامی انقلاب اور مقبول بٹ کی شخصیت، نظریات اور افکار کے حوالے سے مجلس مذاکرہ میں پیش کئے گئے نکات پر روشنی ڈالی۔ انہوں نے کہا کہ وہی تحریکیں کامیاب ہوتی ہیں، جن کی قیادت مقامی اور عوامی ہو۔ انہوں نے اپنے خطبے میں کہا کہ کشمیر کو صرف خود کشمیری ہی آزاد کرا سکتے ہیں، ہمیں ایمانی بنیادوں پر کشمیریوں کی غیر مشروط حمایت اور مدد کرنی چاہیے۔ انہوں نے کہا کہ ایران کا اسلامی انقلاب کئی جہتوں سے دنیا کے تمام مظلومین خصوصا کشمیریوں کیلئے نمونہ عمل ہے۔
یاد رہے کہ سپورٹ کشمیر انٹرنیشنل فورم نے اس مجلس مذاکرہ کا اہتمام قم المقدس ایران میں مجلس وحدت مسلمین شعبہ قم کے تعاون سے کیا تھا۔
کشمیری قربانی اور شہادت کے راستے پر گامزن ہیں۔ساری دنیا اُن کے جذبہ شہادت کو سراہتی ہے۔ ظالم حکمرانوں کے خلاف جہاد حضرت امام حسینؑ کا راستہ ہے۔ کشمیریوں نے اپنے عمل سے اپنا حسینی ہونا ثابت کیا ہے۔ ان خیالات کا اظہاربحرین کی تیارالوفاءالاسلامی پارٹی کے قائد علامہ السید مرتضی السندی نے ایران کے شہر قم میں سپورٹ کشمیر انٹرنیشنل فورم کی منعقدہ بین الاقوامی کانفرنس سے خطاب کرتے ہوئے کیا ہے۔ انہوں نے کہا کہ کشمیری اللہ پر بھروسہ کرتے ہوئے اپنی جدوجہد کو جاری رکھیں اور کشمیریوں کی حمایت کرنا ہم سب کی اخلاقی و دینی ذمہ داری ہے۔
