میرپور خاص

میرپورخاص (شہزاد خان صا بری)ڈپٹی کمشنر میرپورخاص زاہد حسین میمن کی زیر صدارت دربارہال میں رمضان المبارک کے مقدس مہینے میں روزمرہ استعمال کی اشیاءکے نرخ مقرر کرنے کے متعلق ایک اجلاس منعقد ہوا ،اجلاس میں اسسٹنٹ کمشنر میرپورخا ص غلام حسین کانہیو، اسسٹنٹ کمشنر شجاع آباد،اسسٹنٹ کمشنر سندھڑی پریم چند،چیئرمین میونسپل کمیٹی فاروق جمیل درانی، چیف میونسپل آفیسرشفیق شاہ، ڈی ایس پی ذوالفقار قائم خانی، ڈپٹی کنٹرولر سول ڈیفینس محراب خاصخیلی، علماءکرام مفتی شریف سعیدی،مولانا التماس صابر،حمزہ علی نقوی،تاجر برادری کے نمائندوں انیس الرحمان شیخ، امین میمن، عبدالجبار خان اور دیگر بیوپاریوں نے شرکت کی، اس موقع پر ڈپٹی کمشنر نے کہاکہ ماہِ رمضان میں صرف مریضوں کیلئے ہسپتالوں،مسافروں کیلئے ریلوے اسٹیشن اور بس ٹرمینل پر ہوٹلیں کھلی رکھنے کی اجازت ہوگی اس کے علاوہ عام ہوٹلیں بند رہیں گی ،ڈپٹی کمشنر نے اسسٹنٹ کمشنروں اور پولیس افسران کو ہدایت کی کہ احترامِ رمضان آرڈینینس پر ہر صورت میں عمل درآمد کرایا جائے اورکہا رمضان کے دوران کھلنے والی ہوٹلوں ،ذخیرہ اندوزی اور ملاوٹ کرنے والوں کے خلاف قانونی کاروائی کی جائے گی، انہوں نے مزید کہا کہ روزانہ کی بنیاد پر اشیاءکے نرخ کی مانیٹرنگ کرنے اور شکایات کے فوری ازالے کیلئے ضلع سطح پر شکایتی سیل قائم کیا جائے گا انہوں نے کہا کہ ماہ رمضان کے دوران صفائی ستھرائی کا خاص خیال رکھا جائے ڈپٹی کمشنر نے حیسکو افسران کو ہدایت کی کہ ماہِ رمضان میں سحر و افطار کے اوقات میں بجلی کی لوڈشیڈنگ نہ کی جائے اجلاس میںروزمرہ استعمال کے نرخ مقرر کئے گئے ڈپٹی کمشنر نے دُکانداروں کو بھی ہدایت کی ہے کہ روزمرہ استعمال کی اشیاءکے مقررکردہ نرخ کی فہرست اپنی دُکانوں کی نمایاں جگہ پر آویزاں کریںاور مقررکردہ نرخ پر اشیاءفروخت کریں۔

میرپورخاص( بیورو چیف شہزاد خان صابری)ڈپٹی کمشنرمیرپورخاص زاہد حسین میمن کی زیرصدارت 8جون سے10جون 2018تک میرپورخاص میں منعقد ہونے والے مینگو فیسٹیول کے انتظامات کا جائزہ لینے کیلئے دربارہال میں اجلاس ہوا انہوں نے کہا کہ مینگو فیسٹیول میرپورخاص کی پہچان بن چکا ہے اس لئے آم کا نشان بنانے کیلئے میرپورخاص کے اہم چوک کو منتخب کیا جائے ا اس موقع پر فیسٹیو ل کے بہتر انتظامات کیلئے سووینئر ،مینابازاراور ایگزیبشن ہال کمیٹیاں تشکیل دی گئیںڈپٹی کمشنر نے کہا کہ کمیٹیوں کی مدد سے فیسٹیول کو کامیاب کرنے کیلئے بہتر انتظامات کیے جائیں گے انہوں نے کہا کہ عوام بالخصوص خواتین اوربچوں کی تفریح کیلئے فیسٹیول کے دوران مینابازارکیلئے مختلف معیاری کمپنیوں سے رابطہ کرکے سستی اور معیاری اشیاءکی خریداری کے اسٹال لگائے جائیںفیسٹیول میں نعت خوانی، قوالی محفل کرانے پر غور کیا گیا ڈپٹی کمشنرنے فیسٹیول کے دوران صفائی ستھرائی کرنے، سیکورٹی کے بہتر انتظامات کرنے اور بجلی کی لوڈ شیڈنگ نہ کرنے کیلئے متعلقہ افسران کو ہدایت کی اجلاس میں چیئرمین عمر بگھیو، ایڈیشنل ڈپٹی کمشنر اللہ بچایو بھٹی،ڈائریکٹر سندھ ہارٹیکلچر ریسرچ انسٹیوٹ محمد خان بلوچ،زرعی افسر گہرام بلوچ،ڈ ی ایس پی ذوالفقار علی،اسسٹنٹ کمشنر حسین بخش مری محمد خان کھٹی،چیف میونسپل افسر شفیق شاہ،سول ڈفینس افسر محراب خاصخیلی،انجمن تاجران کے امین میمن اور انیس الرحمان ، آبادگار شیر محمد، ایس اے خان، امین پنہور،اور دیگرمتعلقہ ممبران اور افسران نے شرکت کی۔

میرپورخاص( بیورو چیف شہزاد خان صابری)ڈویژنل کمشنر میرپورخاص شفیق احمد مہیسر نے کہا ہے کہ حکومتِ سندھ کی جانب سے غربت اور غذائی کمی کے خاتمے کیلئے مختلف پروگرام شروع کئے گئے ہیں جو کامیابی سے چل رہے ہیں، ان خیالات کا اظہار انہوں نے محکمہ لائیو اسٹاک و اینیمل ہسبنڈری میرپورخاص کی جانب سے “غربت اورغذائی کمی کو ختم کرنے کے صحت مند سندھ پروجیکٹ “کے تحت محکمہ لائیواسٹاک میرپورخاص میں غریب ومستحق دیہی خواتین کو بکریاں اور مرغیاں تقسیم کرنے کی تقریب سے خطاب کرتے ہوئے کیا ،انہوں نے مزید کہا کہ محکمہ لائیو اسٹاک کی جانب سے یہ انتہائی مفید پروگرام ہے جس سے غربت کے خاتمے میں مدد ملے گی تقریب سے خطاب کرتے ہوئے ڈپٹی کمشنر زاہد حسین میمن نے کہا کہ غذائی کمی کی وجہ سے بچوں کی ذہنی و جسمانی نشوونما بہتر نہیں ہوتی ہے اس لئے یہ پروگرام مفید اور قابل ِ تعریف ہے اس موقع پر ڈائریکٹر جنرل لائیو اسٹاک سندھ ڈاکٹر علی اکبر سومرو،نیوٹریشن پروجیکٹ انچارج ڈاکٹر نظیر حسین کلہوڑو،ایڈیشنل ڈائریکٹر لائیو اسٹاک میرپورخاص ڈاکٹر ٹیکم داس اور ایس آر پی او این جی او کی انچارج مس زاہدہ ڈیتھو نے پروجیکٹ کی تفصیلات بتاتے ہوئے کہا کہ ضلع میرپورخاص میں 300خاندانوں میں بکریاں اور مرغیاں تقسیم کرنے کا ہدف مقررکیا گیا ہے اس وقت 25خاندانوں میں بکریاں اور مرغیاں تقسیم کی جارہی ہیں فی خاندان 4 بکریاںاورایک بکرا،9مرغیاں اورایک مرغا دئے جارہے ہیں جبکہ سندھ کے ضلع تھرپارکر،بدین اور میرپورخاص میں 935خاندانوں میں بکریاں اورمرغیاں تقسیم کرنے کا ہدف مقررکیا گیا ہے ڈاکٹر نظیر کلہوڑو نے کہا کہ بکریاں اور مرغیاں شرائط کی بنیادپر دی جارہی ہیں شرائط کے مطابق بکریاں اور مرغیاں کسی کو فروخت نہیں کی جاسکیں گی بکری کا پہلا بچہ کسی دوسری غریب و مستحق عورت کو دینا ہوگا جانورکے بیمارہونے کی صور ت میں محکمہ لائیو اسٹاک کی جانب سے مفت ویکسین و علاج کیا جائے گااورجانورکے مرنے کی صورت میں محکمہ لائیواسٹاک کو اطلاع دینا لازمی ہوگی خلاف ورزی کرنے والوں کے خلاف قانونی کاروائی کی جائے گی مقررین نے مستحق خواتین کو ہدایت کی کہ مرغیوں کے انڈے اور بکری کا دودھ فروخت کرنے کے بجائے اپنے بچوں کو پلائیں تاکہ بچوں کی نشوونما بہتر اور صحت مند ہوسکیں اس موقع پر کمشنر نے غریب و مستحق دیہی خواتین میں بکریاں اور مرغیاں تقسیم کیں۔

مٹھی( بیورو چیف شہزاد خان صابری) وزیراعلٰی سندھ سید مراد علی شاہ کی ہدایات پر چیف سیکریٹری سندھ رضوان میمن نے سندھ فوڈ اتھارٹی ایکٹ 2016 کے سیکشن (1) 4 تحت سندھ فوڈ اتھارٹی کا نوٹیفیکیشن جاری کردیا جس کا چیئرپرسن صوبائی وزیر خوراک سندھ یا صوبائی صلاحکار برائے خوراک ہوگا، سیکریٹری خوراک کنوینر اور سیکریٹری صحت فوڈ اتھارٹی کا وائس چیئرپرسن ہوگا۔ جبکہ ممبران میں خوراک کے متعلق اسٹینڈنگ کمیٹی کا چیئرمین ، سیکریٹری سیاحت و ثقافت سندھ، سیکریٹری زراعت ، سپلاءاینڈ پرائز،سیکریٹری لائیواسٹاک اینڈ فشریز ، سیکریٹر سماجی بہبود، سیکریٹری لوکل گورنمنٹ ، سیکریٹری پبلک ہیلتھ انجنئرنگ، ایم پی اے ڈاکٹر مہیش کمار ملانی، ایم پی اے محمد جاوید، ایم پی اے ہمایوں محمدخان ، چیمبر آف کامرس اینڈ انڈسٹریز کا نمائندہ شہاب احمد خان ، فوڈ سائنس ٹیکنالوجی کراچی یونیورسٹی کا فوڈ ٹیکنالوجسٹ ڈاکٹر سید محمد عفران، فوڈ آپریٹرز کا نمائندہ شیخ محمد تحسین کنزیومر کا نمائندہ محمد ندیم مونو اور ڈویژنل کمشنر کا نمائندہ شامل ہوں گے۔ سندھ فوڈ اتھارٹی صوبے سندھ میں کھانے پینے کی اشیائکے معیار کی نگرانی کرے گی ۔ فوڈ لیبارٹری کے معیارکے مطابق کھانے پینے کے معیار کے مطلق رہنمائی فراہم کرے گی ۔ فوڈ اتھارٹی غیر معیاری کھانافروخت کرنے والے مالکان کے لائسنس رد کرنے ، ان کو معیارکے مطابق کھانافروخت کرنے کا پابند کرنا اور معیا رکو بہتر بنانے کا نوٹس جاری کرنے کے ساتھ ساتھ قانونی کاروائی کرنے کے بھی اختیار ہوں گے۔یہ کمیٹی کھانے کے مطلق سائنسی اور فنی معلومات حکومت کو فراہم کرے گی اور ایسا نیٹ ورک قائم کرے گی جس سے کھانا فروخت کرنے اور خریدنے والے کو محفوظ معیاری کھانے کے متعلق آگاہی فراہم کرنے رجسٹرڈ فیس اور لائسنس جاری کرنے اورماہرین سے کھانے کی تصدیق کرانا ان کی ذمہ داری میں شامل ہوں گے۔

مٹھی(شہزاد خان صا بری)زیراعلٰی سندھ کی ہدایات پر چیف سیکریٹری سندھ رضوان میمن نے تھرپارکر میں ہونے والی 2017 کی مردم شماری پر اعتراضات کے حل کے حل کے لئے ضلع سطح پر سب کمیٹی تشکیل د یتے ہوئے نوٹیفکیشن جاری کردیا ہے۔ کمیٹی کا سربراہ ڈپٹی کمشنر تھرپارکر ہوگا جبکہ ممبرز میں ایم پی اے ڈاکٹر مہیش کمار ملانی، ضلع چیئرمین تھرپارکر، لوکل گورنمنٹ کا نمائندہ اور ڈپٹی کمشنر کی جانب سے آئی ٹی کے شعبے میں مہارت رکھنے والا ممبر ہوں گے یہ کمیٹی تعلقة اور یونین کونسل سطح پر مردم شماری کے متعلق عوام کے اعتراضات کے حل کے لئے لائحہ عمل تشکیل دے گی، اور مطلقہ تعلقہ کے اسسٹنٹ کمشنرز کو ہدایات جاری کرکے اعتراضات کے حل کے لئے اس مرحلے کی موثر نگرانی کریں جو ڈویژن سطح پر تشکیل شدہ کمیٹی کو آگاہ کرے گی اور جلد از جلد رپورٹ مکمل کرکے ڈویژن سطح پر بنائی گئی کمیٹی کو پیش کرے گی۔

میرپورخاص (شہزاد خان صا بری)چیئرمین واٹر کمیشن کی ہدایات پر عمل کرتے ہوئے صوبائی سیکریٹری پبلک ہیلتھ ریاض میمن کی زیر صدارت کانفرنس ہال میں آراو پلانٹس، واٹرسپلائی اور ڈرینج اسکیموں کے حوالے سے تربیتی پروگرام منعقد ہوا،اس موقع پر ڈویژنل کمشنر میر پورخاص شفیق احمد مہیسر ، ڈپٹی کمشنر میرپورخاص زاہد حسین میمن سمیت پبلک ہیلتھ ،ٹاو¿ن کمیٹی، لوکل گورنمنٹ اور دیگر متعلقہ محکموں کے افسران نے شرکت کی اس موقع پرڈاکٹر ایم بی دھاریجونے اسکیموں کی ٹریننگ کے حوالے سے تفصیلی بریفنگ دی اس موقع پر سیکریٹری نے کہا کہ پینے کا صاف پانی عوام کا حق ہے عوام کو صاف پانی مہیا کرنے کیلئے ہرممکن کوشش کی جائے گی کوتاہی کرنے والے عملے کو کسی بھی صورت میں معاف نہیں کیا جائے گا انہوں نے کہا کہ میونسپل کمیٹی اور ٹاو¿ن کمیٹی کی تمام واٹرسپلائی اور ڈرینج اسکیمیں پبلک ہیلتھ میں شامل کی جائیںگی آراو پلانٹس ، واٹر سپلائی اور ڈرینج اسکیموں کی صحیح نمونے سے سروے کرنے کیلئے یہ ٹریننگ بہت ضروری ہے اس ٹریننگ پر مکمل طور پر دھیان دیا جائے اس ٹریننگ کو صحیح نمونے سے کرنے سے سروے کامیاب ہوسکے گا سروے کرنے سے ہمیں معلوم ہوسکے گا کہ اسکیموں کو چلانے کیلئے کن کن چیزوں کی ضرورت ہے ان کی کارکردگی کوبہتر کس طرح کیا جاسکتا ہے اسکیموں کو چلانے کیلئے مخصوص مطلوبہ عملہ مقرر کیاجائے ٹیموں کے ذریعے سروے مکمل کیا جائے سروے ٹیموں کا شیڈول 14مئی 2018تک مکمل کیا جائے سروے ٹیم متعلقہ اہلکار پر مشتمل ہونی چاہئے۔

میرپورخاص (شہزاد خان صا بری)ڈویژنل کمشنرمیرپورخاص شفیق احمد مہیسر نے کہا ہے کہ مون سون کی امکانی تیز بارشوں کے پیش نظر میرپورخاص ، عمرکوٹ اور تھرپارکر میں ہنگامی بنیادوں پر پیشگی حفاظتی اقدامات کئے جائیں۔ انہوں نے محکمہ روینیو،آبپاشی،پولیس، صحت ، تعلیم ،زراعت، لائیواسٹاک ، سول ڈفینس،، خوراک ، حیسکو،ٹیلیفون ، سوئی گیس،یوٹیلیٹی اسٹورکارپوریشن اور دیگر محکموں کے سربراہان کو خط کے زریعے ہدایت جاری کرتے ہوئے کہا کہ ہے کانٹیجنسی پلان تشکیل دے کر رپورٹ کمشنر آفس میں ارسال کی جائے اورہنگامی صورتحال سے نمٹنے کیلئے اپنے اپنے دفاتر میںکنٹرول روم قائم کئے جائیں کمشنر نے ڈویژن کی میونسپل ایڈمنسٹریشن کے چیف میونسپل افسران و ٹائون افسران کو ہدایت کی ہے کہ پانی کی نکاسی کی پمپنگ مشینوں کو درست حالت میںرکھیں، کمشنر نے محکمہ آبپاشی کے افسران و انجینئر وں کو سختی سے ہدایت کی ہے کہ نہروں کے پشتوں کو مضبوط کیا جائے تاکہ بارش کے پانی کے تیزبہاو کی وجہ سے نہروںمیں شگاف نہ پڑ سکے کمشنر نے محکمہ صحت کے افسران کو ہدایت کی ہے کہ امکانی بارشوںکے دوران مختلف بیماریوں سے بچاو اور علاج کی تمام ادویات ہسپتالوں اور صحت مراکز میں فراہم کی جائیں انہوں نے محکمہ تعلیم کے افسران کو ہدایت کی ہے کہ اسکولوں میں ریلیف کیمپ قائم کرنے کیلئے موئثر اقدامات کئے جائیں کمشنر نے سول ڈیفنس کے افسران کو ہدایت کی ہے کہ ایمرجنسی کی صورت میں رضاکاروںکو تیارکیا جائے اورحیسکو افسران کو ہدایت کی ہے کہ بجلی کے خراب تاروں اور خراب ٹرانسفارمروںکو فوری طور پر مرمت کرایا جائے انہوں نے این جی اوز کو ہدایت کی ہے کہ امکانی تیز بارشوں کے پیش نظر متاثرین کی مدد کیلئے تیاری مکمل کریں ،کمشنر میرپورخاص ڈویژن شفیق احمد مہیسر نے واضع کیا ہے کہ اس ضمن میں کسی بھی قسم کی کوتاہی ہرگز برداشت نہیں کی جائے گی ۔