قومی ٹیم کے فاسٹ بالر شاہین شاہ آفریدی نے شادی کے شرکاء کا شکریہ ادا کیا تو ان کی ساس نادیہ شاہد نے بھی انہیں دعائیں دے دیں۔

حال ہی میں رشتۂ ازدواج میں منسلک ہونے والی ہردلعزیز جوڑی شاہین شاہ آفریدی و انشا آفریدی کا خوب چرچا ہے، ان کے چاہنے والوں کی جانب سے شادی کے اس پُرمسرت موقع پر مبارک باد کا سلسلہ جاری ہے۔

تاہم اب سماجی رابطوں کی ویب سائٹس سے دور رہنے والی ان کی ساس اور سابق کپتان شاہد آفریدی کی اہلیہ نادیہ شاہد نے بھی انہیں مبارک باد دینے کے لئے سوشل میڈیا پلیٹ فارم ایکس (سابق ٹوئٹر) کا سہارا لے لیا۔

انہوں نے اپنے ایکس اکاؤنٹ سے پیغام شیئر کیا اور اس نئے نویلے جوڑے کے لئے نیک خواہشات کا اظہار کیا۔

انہوں نے اپنی پوسٹ میں لکھا کہ ’اللّہ آپ دونوں کو دونوں جہاں کی خوشیاں نصیب کرئے، آمین۔ یہ ایک ماں کی دعا ہے‘۔

یاد رہے کہ تیز رفتار بالر شاہین شاہ آفریدی اور سابق کپتان شاہد آفریدی کی دوسری صاحبزادی انشا آفریدی کی شادی کی تقریب 19 ستمبر کو کراچی جبکہ ولیمہ 21 ستمبر کو اسلام آباد میں منعقد ہوا تھا جس میں مختلف شعبہ ہائے زندگی سے تعلق رکھنے والی معروف شخصیات نے شرکت کی اور اس جوڑے کو دعائیں بھی دیں۔

کراچی کنگز پاکستان سپر لیگ (پی ایس ایل) فائیو کے فائنل میں لاہور قلندرز کو باآسانی 5 وکٹوں سے شکست دے کر چیمپئن بن گئی۔بابر اعظم لاہور قلندرز کے سامنے سیسہ پلائی دیوار بن گئے اور کراچی کنگز کو پہلی مرتبہ پی ایس ایل کا چیمپئن بنوادیا۔آسان ہدف کے تعاقب میں کراچی کنگز کے اوپنرز نے اچھا آغاز فراہم کیا، تاہم سمت پٹیل کی گیند پر شرجیل خان 13 رنز بنا کر 23 کے مجموعے پر آؤٹ ہوئے۔بابر اعظم نے اپنا روایتی کھیل جاری رکھا، لیکن دوسری جانب سے 49 کے مجموعے پر الیکس ہیلز کی صورت میں کراچی کنگز کو دوسرا نقصان اٹھانا پڑا، انہیں دلبر حسین نے بولڈ کیا۔اس کے بعد چڈوک والٹن نے بابر اعظم کا ایسا ساتھ نبھایا کہ میچ ہی لاہور قلندرز سے چھین لیا۔والٹن نے بابر کے ساتھ 61 رنز کی شراکت بنائی اور 22 رنز بنا کر آؤٹ ہوگئے۔ کراچی کنگز 110 رنز پر تین وکٹوں سے محروم ہوئی لیکن شاید اس کے لیے یہ زیادہ نقصان نہ تھا کیونکہ بابر اعظم کریز پر موجود تھے۔بابر اعظم نے 63 رنز کی ناقابلِ شکست اننگز کھیلی جبکہ کپتان عماد وسیم نے چوکا لگا کر ٹیم کو پہلی مرتبہ پی ایس ایل ٹائٹل جتوادیا۔لاہور قلندرز کی جانب سے دلبر حسین اور حارث رؤف نے دو دو جبکہ سمت پٹیل نے ایک کھلاڑی کو آؤٹ کیا۔کراچی کنگز کے بابر اعظم کو میچ کا بہترین کھلاڑی سمیت میں آف دی ٹورنامنٹ کا ایوارڈ بھی دیا گیا۔قبل ازیں لاہور قلندرز نے کراچی کنگز کو جیت کے لیے 135 رنز کا ہدف دیا تھا۔لاہور قلندرز کے کپتان سہیل اختر نے ٹاس جیت کر پہلے بیٹنگ کرنے کا فیصلہ کیا جو اس کے لیے درست ثابت نہ ہوسکا۔قلندرز کے اوپنرز تمیم اقبال اور فخر زمان نے ٹیم کے لیے محتاط آغاز فراہم کیا اور پاور پلے میں نہ صرف محتاط انداز میں کھیلا بلکہ اسپنر افتخار احمد پر چارج کرتے ہوئے بغیر کسی نقصان پر ٹیم کے 50 رنز بھی مکمل کیے۔دوسری جانب کراچی کنگز نے بھی بہترین بولنگ کا مظاہرہ کرتے ہوئے لاہور قلندرز کو ابتدائی 10 اوورز میں 68 رنز تک محدود رکھا، تاہم کنگز کے بولر حریف ٹیم کی کوئی وکٹ نہ لے سکے۔ کراچی کنگز کے کھلاڑیوں کی ہنسی اس وقت لوٹ آئے جب آئرن مین عمید آصف نے 35 رنز بنانے والے تمیم اقبال کو آؤٹ کرکے ہوم ٹیم کو پہلی وکٹ دلوائی۔اس کے ایک رن بعد ہی عمید آصف کو چھکا لگانے کی کوشش کرتے ہوئے فخر زمان بھی آؤٹ ہوگئے، انھوں نے 27 رنز بنائے تھے۔اگلے ہی اوور میں کنگز کے کپتان عماد وسیم نے پچھلے میچ کے ہیرو محمد حفیظ کو کیچ آؤٹ کروا کر لاہور قلندرز کو کے نقصان میں مزید اضافہ کیا اور یوں قلندرز 70 رنز پر 3 وکٹوں سے محروم ہوگئی۔سمت پٹیل بھی بجھے بجھے دکھائی دیے اور 81 کے مجموعے پر ارشد اقبال کی گیند پر 5 رنز بنانے کے بعد وقاص مقصود کو کیچ دے بیٹھے۔کراچی کنگز کی نپی تلی بولنگ کے آگے لاہور قلندرز کے بیٹسمین کی ایک نہ چلی۔بین ڈنک، ڈیوڈ ویسا، سہیل اختر، سمت پٹیل کوئی خاطر خواہ کارکردگی نہ دکھا سکے اور پوری ٹیم مقررہ 20 اوورز میں 7 وکٹوں کے نقصان پر 134 رنز بناسکی۔کنگز کی جانب سے وقاص مقصود، عمید آصف اور ارشد اقبال نے دو، دو جبکہ عماد وسیم نے ایک کھلاڑی کو آؤٹ کیا۔یہاں دلچسپ بات یہ ہے کہ لاہور قلندرز کے تمام کھلاڑی چھکا لگانے کی کوشش میں آؤٹ ہوئے۔نیشنل اسٹیڈیم کراچی میں کھیلے جارہے اس میچ میں دونوں ٹیمیں متوازن دکھائی دے رہی ہیں۔کراچی کنگز میں ایک تبدیلی کرتے ہوئے اوورسیز کھلاڑی وین پارنیل کی جگہ پر عمید آصف کو ٹیم میں شامل کیا ہے۔دوسری جانب لاہور قلندرز میں کوئی تبدیلی نہیں کی گئی۔

پاکستانی امپائرعلیم ڈارآج پاکستان اور زمبابوے کے خلاف سیریز کے دوسرے میچ کے دوران ایک اور اعزاز اپنے نام کرلیں گے۔علیم ڈارپاکستان اور زمبابوے کے خلاف سیریز کے دوسرے میچ میں دنیا میں سب سے زیادہ ایک روزہ میچز سپروائز کرنے والے امپائر بن جائیں گے۔52 سالہ علیم ڈار 20 برس سے امپائرنگ کے فرائض انجام دے رہے ہیں، وہ 3 مرتبہ آئی سی سی کے بہترین امپائر بھی قرار دیے گئے۔ٹیسٹ کے بعد اب وہ ایک روزہ کرکٹ میں بھی سب سے زیادہ میچز سپروائز کرنے کے ریکارڈ کے قریب ہیں۔علیم ڈار نے 2000 میں اپنے شہر گوجرانوالہ میں پہلا ون ڈے میچ سُپروائز کیا تھا، اب تک وہ اس فارمیٹ میں 209 میچز میں امپائرنگ کرچکے ہیں۔جنوبی افریقا کے امپائر روڈی کرٹزن نے 1992 سے 2010 کے درمیان 209 ون ڈے میچز سُپر وائز کیے تھے۔اس ریکارڈ کو حاصل کرنے کے بارے میں اپنے تاثرات بیان کرتے ہوئے علیم ڈار نے کہا کہ ٹیسٹ اور ون ڈے میں امپائرنگ کی لسٹ میں ٹاپ پر آنا اُن کے لیے بڑا اعزاز ہے۔انہوں نے مزید کہا کہ جب اُنہوں نے انٹرنیشنل امپائرنگ شروع کی تھی تو کبھی نہیں سوچا تھا کہ وہ یہ اعزاز بھی حاصل پائیں گے۔علیم ڈار نے کہا کہ وہ امپائرنگ کے ہر لمحے سے لطف اندوز ہوئے ہیں، اس اعزاز پر وہ اپنی فیملی، آئی سی سی، پاکستان کرکٹ بورڈ اور دیگر افراد کے شکر گزار ہیں جنہوں نے اُن کو سپورٹ کیا۔

قومی کرکٹ ٹیم کے سابق فاسٹ بولر عاقب جاوید نے انکشاف کیا ہے کہ میچ فکسنگ کے خلاف بولنے پر میرا کیریئر جلد ختم ہوگیا ،مجھے دھمکیاں ملیں کہ تمہاری بوٹیاں بوٹیاں کر دیں گے۔عاقب جاوید نے اپنے ایک بیان میں کہا کہ فکسنگ کے خلاف بولنے پر آپ ایک حد تک اوپر جاسکتے ہیں، اس معاملے کے خلاف بولنے کی وجہ سے میں ٹیم کا ہیڈ کوچ نہ بن سکا۔سابق فاسٹ بولر نے میچ فکسنگ کے الزام میں ملوث قومی ٹیم کے سابق کپتان اور مڈل آرڈر بیٹسمین سلیم ملک کا دفاع کرتے ہوئے کہا کہ انہیں ایک اور موقع ملنا چاہیے اور کرکٹ بورڈ میں نوکری بھی ملنی چاہیے۔عاقب جاوید نے مزید بتایا کہ جسٹس قیوم کمیشن میں بھی حقائق چھپائے گئے تھے ،انہوں نے کہا کہ میچ فکسنگ مافیا بہت بڑا ہے جہاں اندر جانے کا راستہ تو ہے نکلنے کا نہیں ہے۔سابق فاسٹ بولر نے کہا کہ 20 سال پرانے معاملے پر کچھ نکلنا نہیں ہے،کرکٹر تو بہت آئے مگر مافیا کی نشاندہی نہیں ہوئی ، انہوں نے کہا کہ فکسنگ میں ملوث کرکٹرز اور مافیا کو سزائیں ہونی چاہیئں۔عاقب جاوید نے بتایا کہ میرا فکسنگ کے خلاف مضبوط کیس عدالت میں پہنچا تھا اور میں نے جسٹس یوسف کو فکسنگ سے متعلق مکمل بیان بھی دیا تھا۔

ڈاکٹر فرقان کے انتقال پر انکوائری کیلئے نوٹیفکیشن جاری

پاکستان کرکٹ بورڈ (پی سی بی) نے کوئٹہ گلیڈی ایٹر کے کھلاڑی عمر اکمل کو معطل کر دیا ہے۔ذرائع کے مطابق عمر اکمل کو اینٹی کرپشن کوڈ کی دفعہ 4.7.1 کے تحت معطل کیا گیا ہے۔کرکٹ بورڈ کی جانب سے پاکستان سپر لیگ (پی ایس ایل) فائیو میں کوئٹہ گلیڈی ایٹر کو عمر اکمل کے متبادل کے طور پر دوسرا کھلاڑی لینے کی اجازت بھی دی گئی ہے۔ذرائع کے مطابق عمر اکمل انکوائری مکمل ہونے تک کسی بھی طرز کی کرکٹ نہیں کھیل سکتے ہیں۔پی سی بی کی جانب سے جاری بیان میں کہا گیا ہے کہ فی الحال عمر اکمل کے حوالے سے تحقیقات جاری ہیں لہٰذا بورڈ اس معاملے پر مزید کوئی بیان جاری نہیں کرے گا۔واضح رہے کہ عمر اکمل چند روز قبل ہی کوڈ آف کنڈکٹ کے کیس میں بری ہوئے ہوئے اور پی سی بی نے معاملےکو غلط فہمی قرار دے کر رفع دفعہ کیا تھا۔

پریس کلب رجسٹرڈ شرقپور شریف کے چیئرمین حاجی خلیل احمد کے بڑے بھائی صحافی ڈاکٹر شکیل احمد مرحوم کی یاد میں لاویہ دا ٹھٹہ میں پہلا شکیل میموریل کرکٹ ٹورنامنٹ کا انعقاد کیا گیا جس کے مہمان خصوصی چئیر مین پریس کلب شرقپور شریف حاجی خلیل احمد اور صدر پریس کلب شیخ عدیل اشرف یعقومیہ تھے جبکہ اس موقع پر سابقہ صدر راؤ مزمل۔ سینئر وائس چیئرمین حاجی طارق اقبال۔ چوہدری فاروق احمد تارڑ۔ سیکٹری فنانس ملک ندیم خالد۔ جنرل سیکرٹری طہماسپ علی نقوی۔ سینئیر نائب صدر ملک اقبال شاکر۔ نائب صدر صادق عطاری۔ محمد علی اشرف یعقومیہ۔ مرزا جنید بیگ۔ گوھر حبیب۔ کے علاوہ تحریک انصاف تحصیل شرقپور شریف کے رہنما ملک خادم اختر۔ اور سابقہ کونسلر حاجی صداقت علی رحمانی۔ کے علاوہ لوگوں کی ایک کثیر تعداد بھی موجود تھی اس ٹورنامنٹ کا فائنل شہزاد منیر الیون نے جیتا جیتنے والی ٹیم کو مہمان خصوصی چیئرمین پریس کلب حاجی خلیل صدر پریس کلب شیخ عدیل اشرف یعقومیہ۔اوردیگر پریس کلب عہدے داران و ممبران نے 20 ہزار روپیے نقد اور ٹرافی دی اور رنر اپ ٹیم کو 10 ہزار روپیے نقد اور ٹرافی دیگئی

سری لنکا کے خلاف کراچی ٹیسٹ میں پاکستان کے ٹاپ 4 بلے بازوں نے سنچریاں اسکور کرکے ایک اننگز میں پہلی بار 4 سنچریاں اسکور کرنے کا کارنامہ سر انجام دیا ہے۔نیشنل اسٹیڈیم کراچی میں پاکستانی بیٹسمینوں نے 4 سنچریاں بنا کر نئی تاریخی رقم کی ہے، ٹیسٹ کرکٹ کی تاریخ میں ایسا دوسری بار ہوا کہ کسی ایک ٹیم کے ٹاپ 4 بلے بازوں نے سنچریاں بنائی ہوں۔اس سے قبل یہ اعزاز 2007ء میں بھارت کے ٹاپ 4 بلے بازوں نے بنگلہ دیش کے خلاف سنچریاں اسکور کرکے قائم کیا تھا۔کراچی ٹیسٹ میں پاکستان کی جانب سے اوپنر عابد علی، شان مسعود، اظہر علی اور بابر اعظم نے سنچریاں بنائی ہیں، جبکہ ایک اننگز میں پاکستان کی جانب سے 4 سنچریاں پانچوں بار اسکور ہوئی ہیں۔پاکستان کی جانب سے اس سے قبل 4 سنچریاں ٹاپ 4 بلے بازوں نے نہیں بلکہ مختلف پوزیشن پر کھیلنے والے بلے بازوں نے بنائی تھیں۔