تارکین وطن

اولڈہم (نوید چوہان) گزشتہ دنوں اولڈہم کی رہائشی فیملی پر ایف آئی اے اہلکاروں کے مبینہ تشدد کے بعد اوورسیز کمشنر زبیر گل نے واقعہ کا نوٹس لیتے ہوئے معاملہ کی شفاف تحقیقات کا مطالبہ کر دیا ہے۔ جسے اوور سیز کمیونٹی کی جانب سے بےحد سراہا جا رہا ہے۔اولڈہم میں مقیم لوگوں نے بھی اسلام آباد ائیرپورٹ ہر پیش آنے والے اس واقعہ پر تشویش کا اظہار کیا تھا کہ آئے روز ایسے واقعات سے بیرون ملک مقیم نوجوانوں کے ذہنوں میں پاکستان کے بارے میں ایک منفی پیغام جاتا ہے اور ایسے واقعات کی روک تھا م کے لیے حکومتی پالیسی۔ کو بہتر اور موثر بنانے کی ضرورت ہے۔مختلف چینلز پر اس واقعہ کی رپورٹ اور خود اردو پوسٹ کی فیملی سے رابطہ کے بعد زبیر گل کی جانب سے اس واقعہ کا نوٹس اوور سیز پاکستانی کمیونٹی کے لئے باعث اطمینان ہے۔

پیرس (زاہد مصطفی اعوان) پیرس کے مشہور بزنس مین چوہدری ارشد جاوید مہر آف پنجن کسانہ کی فیشن ڈیزائینر محمود بھٹی سے لاہور میں ملاقات۔دو طرفہ امور سمیت فیشن کی دنیا میں پاکستان کے فیشن کو متعارف کروانے پر محمود بھٹی کی تعریف کی۔

ہالینڈ (خصوصی نمائندہ) اقوام عالم کی طرح ہالینڈ میں بھی پاکستانی مسیحوں نے ایسٹر کی تقریبات بڑے جوش و خروش کے ساتھ منائی گئیں.دی لیونگ اسٹون اردو چرچ میں ایسٹر کی خصوصی عبادت دوپہر دو بجے شروع ہوئی. پاسٹر ندیم دین نے یسوع مسیح کی صلیبی موت کے بعد جی اٹھنے کے حوالے سے خصوصی پیغام دیا.عبادت میں ایلڈر فراز اعجاز اور ایلڈر ساجد بھٹی نے چرچ کمیٹی کے ساتھ مل کر ساری عبادت کے انتظامی امور کو بہت اچھی طرح سے انجام دیا. اس عبادت میں بیلجیم , دبئ اور برطانیہ سے بھی مہمانوں نے شرکت کی.عبادت کے بعد چرچ کلیسیا کے لیے کھانے کا انتظام تھا. چرچ کے بعد مسیحی گیتوں پر مشتمل ایک سی ڈی کا افتتاح کیا گیا جو سسٹر صبا غفران اور سہیل پیس نے ترتیب دی ہے.

ویانا (خصوصی نمائندہ) پاکستانی کمیونٹی فورم آسٹریا مشاورتی کونسل کے صدر ندیم خان کے ساتھ نومنتخب عہدیداران سینئر نائب صدر حاجی محمد ارشد باجوە ،نائب صدر حاجی باواسید غضنفر علی شاە،نائب صدر دوئم حاجی ملک امین اعوان ،جنرل سیکرٹری خواجہ منظور احمد ،اسسٹنٹ جنرل سیکرٹری حاجی ملک عابد،فنانس سیکرٹری محمد انور،اسسٹنٹ فنانس سیکرٹری علی زوالفقار،میڈیا کوآرڈینیٹر اکرم باجوہ ،فیملیز کے رابط ممبر حبیب الرحمان خان اور مجلس عاملہ کے چیرمین لالہ محمد حسین خان کا گروپ فوٹو۔

ایتھنز (خصوصی نمائندہ) یونان میں مقیم پاکستانی خواتین کی فلاح و بہبود اور اہمی روابط کے لیے خاتون پاکستان مسز عاصمہ خالد عثمان قیصر اپنی رہائش گاہ پاکستان ہاوس پر PWGG تئیس اپریل کو پاکستان و ومن گروپ ان گریس کے زیر اہتمام ظہرانہ دیں گی جس میں بہت بڑی تعداد یں پاکستانی خواتین کی شمولیت ہو گی۔یہ پہلی مرتبہ ہے کہ سفیر پاکستان یونان خالد عثمان قیصر کی اہلیہ پاکستانی خواتین کی تنظیم سازی،ورکنگ ریلیشن،مسائل اور دیگر امور پر غور کی خاطراجلاس بلارہی ہیں جس کا اعلان انھوں نے یوم قراردادپاکستان کے موقع پر کیا تھا۔پاکستانی خواتین کی اس خصوصی نشست میں سیر پاکستان خالد عثمان قیصر کی جانب سے بھی بریفنگ کا امکان ہے۔یونان میں تعینات ہونے بعد سے حالیہ سفیر پاکستان اور ان کی اہلیہ نے اپنے خوش گوار عمل سے پاکستانی برادری کے دلوں میں گھر کرلیاہے۔

لندن (خصوصی نمائندہ) پاکستان پیپلز پارٹی برطانیہ کے تحت لندن میں سابق خاتون اول محترمہ فرحت ممتاز راٹھور کی وفات پر تعزیتی اجلاس منعقد کیا گیا۔ تقریب کی صدارت محسن باری سابق صدر پی پی پی برطانیہ نے کی جبکہ نظامت کے فرائض ابرار میر سابق ڈپٹی جنرل سیکرٹری پی پی پی برطانیہ نے ادا کئیے۔فیصل راٹھور جنرل سیکرٹری پی پی پی آزاد جموں و کشمیر اور سابق وزیر ریاست آزاد جموں و کشمیر نے اپنے ٹیلیفونک خطاب میں اپنی والدہ کے دکھ میں شریک ھونے پر پیپلز پارٹی برطانیہ کا دلی شکریہ ادا کیا کہ ھم ایک خاندان کی حیثیت سے ایک دوسرے کے دکھ سکھ میں شریک ھوتے ھیں۔تقریب سے آصف علی خان، سردار آصف، مرزا آفتاب باغی، چوھدری نثار، چوھدری قادر، محمد اشفاق شیخ، شفیع بھائی، چوھدری لیاقت، نعیم خان، رانا شکیل، امانت مغل، تنویر شیخ، عرفان احمد اور شعیب شیخ نے اپنے گہرے دکھ اور رنج کا اظہار کیا۔

ویانا (اکرم باجوہ) پاکستان مسلم لیگ ن آسٹریا کے صدر حاجی شاہد محمود نے پاکستان میڈیا جنگ ویانا کو اطلاع دی کہ پاکستان مسلم لیگ ن آسٹریا کے صدر اور مسلم لیگ ن آسٹریا کے عہدیداران کی دعوت پر پاکستان مسلم لیگ ن کے مرکزی سیکرٹری اطلاعات و سینیٹر مشاہد اللہ خان 19 مارچ بروز اتوار شام کو ویانا کے دو روزہ دورہ پر تشریف لائیں گے۔پاکستان مسلم لیگ ن کے مرکزی سیکرٹری اطلاعات و سینیٹر مشاہد اللہ خان کے اعزاز میں پاکستان مسلم لیگ ن آسٹریا کی جانب سے ویانا کے مقامی ریسٹورنٹ میں عشائیہ کا اہتمام کیا جائے گا۔

سوئیٹزرلینڈ (علی گیلانی سے) سفیر پاکستان امان رشید کا استقبالیہ، سوئیٹزرلینڈ میں پاکستانی سفیر جناب ڈاکٹر امان رشید نے یوم پاکستان کے موقع پر مورخہ 23 مارچ کو غیر ملکی سفیران کے اعزاز میں ایک استقبالیہ اور ظہرانے کا اپنی رہائشگاہ پر اہتمام کیا ہے۔جناب سفیر پاکستان اور بیگم سفیر پاکستان دلی مسکراہٹوں کے ساتھ مہمانوں کا استقبال کریں گے اور اس دن کی اہمیت کے بارے میں مہمانوں کو بتائیں گی۔

ایمسٹرڈیم (نمائندہ خصوصی) یاد رہے کہ 25 مارچ کو بروز ہفتہ ایمسٹرڈیم میں پاکستانی مسیحیوں کے حوالے سے ایک انٹرنیشنل کانفرنس منقد کی گئ ہے جس میں یورپ اور برطانیہ سے پاکستانی مسیحی لیڈرز بڑی تعداد میں شرکت کر رہے ہیں۔ انٹرنیشنل کانفرنس کی تیاریوں کے حوالے سے آخری میٹینگ ہالینڈ کی پورٹ سٹی روٹرڈیم میں منعقد کی گئ ۔ اس میٹینگ کی میزبانی پاسٹر ندیم دین کر رہے تھے۔اور ان کے ساتھ معاونت کے طور پر ایلڈر اعجاز فراز اور بوبی بوب بھی موجود تھے۔ اس میٹینگ میں انٹرنیشنل کانفرنس کے تمام پروگرام کو حتمی شکل دی گئی۔ تمام ممبرز جن کو گزشتہ میٹینگ میں زمہ داریاں سونپی گئ تھیں انہوں نے اپنی رپوٹس پیش کیں اور ان رپورٹس کی روشنی میں پروگرام کا جائزہ لیا گیا۔ ممبرز نے جناب کلیم سلیم کی خدمت کو سراہا جنہوں نے ایمسٹرڈیم جیسے مہنگے شہر میں کانفرنس کے لئے نہایت مناسب قیمت پر ہال کا بندوبست کیا اور مہمانوں کے لئے نہایت مناسب قیمتوں پر ہوسٹل کے کمروں کا بندوبست کیا۔ بہت سے مہمانوں نے اتنی کم قیمت پر کمروں کے لئے شکریہ ادا کیا۔اس میٹینگ میں پاسٹر ندیم دین، پاسٹر پرویز اقبال، اوینجلسٹ مائیکل ولئیم ، ایلڈر اعجاز فراز، ایلڈر ساجد بھٹی، انجم اقبال، عظیم مسیح، کلیم سلیم، اعجاز میتھیو زوالفقار، گُلباز فضل ، منگت مسیح ، بوبی بوب ،رفیق تھامس ، عابد شکیل ، سسٹر حنا پرویز ، سلیم دین اور راقم واٹسن سلیم گل موجود تھے۔ وہ لیڈرز جو میٹینگ میں موجود نہی تھے مگر اس پروگرام کا حصہ ہیں اور مالی طور پر اس پروگرام کو سپورٹ کر رہے ہیں ان میں پاسٹر ولئیم پیغانی، پاسٹر منور عنایت، پاسٹر عمران گل، مورس عنایت، جمشید ملک، گیسپر ڈانئیل، یونس ولئیم، ماجد ملک ، گریفن عمانیئل اور سنی ولئیم شامل ہیں ۔ (یاد رہے کہ اس پروگرام کو ہم اپنی مدد آپ کے تحت کر رہے ہیں )۔ اس کے علاوہ کل کی میٹینگ میں بیلجئیم سے بشپ ارشد کھوکھر نے خصوصی طور پرشرکت کی اور انہوں نے اس کانفرنس کے منتظمین کی کاوشوں کو سراہا اور ان کو مبارک باد پیش کی۔ انہوں نے کہا کہ وہ ہالینڈ میں تمام چرچز، سیاسی اور سماجی راہنماؤں کو ایک جگہ دیکھ کر بہت خوش ہوئے ہیں اور ان کو اس اتحاد اور یکجہتی پر مبارکباد پیش کرتے ہیں۔ اس انٹرنیشنل کانفرنس کے انقاد کے لئے جہاں ہالینڈ کے سیاسی اور سماجی راہنماؤں نے اپنا کردار ادا کیا وہاں ہمارے مزہبی لیڈرز بھی پیچھے نہی رہے بلکہ ان کے تدبر، فہم اور دانش سے ہم نے خوب فائدہ اٹھایا اور اس پروگرام کو کامیاب بنانے میں ہمارے مزہبی راہنماؤں کا کردار بہت مثبت اور مضبوط رہا۔

Meeting

Meeting

Meeting

پٹنہ (پریس ریلیز) بہار اردو اکادمی، کی مجلس عاملہ کے رکن ڈاکٹر سید احمد قادری نے اپنے ایک بیان میں کہا ہے کہ بہار اردو اکادمی کی جانب سے منعقد ہونے والی ‘عالمی اردو کانفرنس’ اردو کے نام پر سرکاری پیسے کی بربادی کے سوا کچھ نہیں ہے۔ انھوں نے کہا کہ حکومت بہار نے دو کروڑ کی رقم اردو زبان کی ترویج و اشاعت کے لئے متخص کیا ہے۔ لیکن اکادمی نے جس برق رفتاری سے سیمینار، کانفرنس اور مشاعرے کا انعقاد کیا ہے ، اس نے صرف اس ملک کا ہی نہیں بلکہ عالمی ریکارڈ بھی توڑ دیا ہے۔ لیکن حاصل کیا ہوا ، یہ ایک تحقیق طلب معاملہ ہے۔ بہار کے بہت سارے محبان اردو مجھ سے اکثر یہ سوال کرتے ہیں کہ اتنے سیمینار ، کانفرنس اور مشاعرے کی بجائے اکادمی نے اب تک بنیادی سطح پر اردو زبان کو مستحکم کرنے کے لئے کیا کچھ لاحۂ عمل تیار کیا ہے اور کس حد تک کام ہوا ہے ۔ میں ایسے سوال پر خاموش ہی رہتا ہوں ، کہ بتائیں تو کیا بتائیں۔ڈاکٹر سید احمد قادری نے مذید بتایا کہ ایسے سیمینار ، کانفرنس اور مسلسل مشاعرے کے فیصلے اکادمی کی مجلس عاملہ میں نہیںکئے جاتے ہیں ، بلکہ اکادمی کے سیکریٹری ،جب کسی کو نوازنا چاہتے ہیں ، ایسی محفل آراستہ کر دیتے ہیں۔اب اسی 21-22 فروری کو منعقد ہونے والے دو روزہ’ عالمی اردو کانفرنس’ کو لیجئے ، تو اس سلسلے میں مجھے اس کا کوئی علم نہیں ، اس کانفرنس کے انعقاد کا فیصلہ اکادمی نے کب کیا ۔اس کی کوئی اطلاع مجھے نہیں ہے۔ بہار اردو اکادمی کی مجلس عاملہ کا ایک رکن ، مجھے بھی حکومت بہار نے بنایا ضرورہے ۔ لیکن آج میں اس بات کا اعتراف کرتا ہوں کہ اکادمی کے بیشتر فیصلے میں مجلس عاملہ کے ممبران کی رضامندی حاصل نہیں رہی ہے ۔ اوّل تو اکادمی کی مجلس عاملہ کی میٹنگ ہوتی نہیں ہے اور اگر کبھی ہوئی اور جو تجاویز منظور کی گئیں ، وہ بعد میں بدل کر ‘من مطابق’ کر لیا جاتا ہے ۔ یہی وجہ ہے کہ عام طور پر اکادمی کی مجلس عاملہ کی میٹنگ میں ہوئے فیصلے سے اخبارات کو مطلع نہیں کیا جاتا ہے اور اکادمی میں ہونے والے سیمنار، کانفرنس اور مشاعروں وغیرہ کی اطلاع بھی ممبران کو بھی اخبارات کے ذریعہ ہی ملتی ہے۔ ابھی ابھی جب میں امریکہ سے لوٹا تو اخبارات کے ذریعہ مجھے یہ خبر ملی کہ بہار اردو اکادمی کی جانب سے دو روزہ عالمی کانفرنس 21 اور22مارچ کو پٹنہ میں منعقد کیا جا رہا ہے۔میں نے سمجھا کہ ممکن ہے میری عدم موجودگی میں اس کانفرنس کے انعقاد کے لئے مجلس عاملہ کی میٹنگ میں فیصلہ لیا گیا ہو ۔ گرچہ میرا سمجھنا غلط تھا کہ جب اکادمی کے سارے فیصلے ‘فرد واحد’ اپنے من مطابق لیتے رہتے ہیں ، تو پھر اس کانفرنس کے لئے عاملہ کی میٹنگ کی ضرورت ہی کیا؟ ، اور یہی ہوا ، جب میں نے معلوم کیا تو عاملہ کے لوگوں نے بتایا کہ20 ستمبر16 کے بعد کوئی میٹنگ ہوئی ہی نہیں ہے ، یعنی کہ اس درمیان جتنے بھی جلسے اور مشاعرے وغیرہ ہوئے ، یہ سب کے سب ‘فرد واحد’ کے فیصلے کے تحت ہوئے ۔ اکادمی کی مجلس عاملہ کی ہونے والی گزشتہ میٹنگ 20 ستمبر16 ء کو میں نے اکادمی میں ہو رہی ناانصافی، حق تلفی اور فرد واحد کے ذریعہ اکادمی کے دستور العمل کے خلاف مسلسل کام کئے جانے کے سلسلے میں ایک عرض داشت تمام ممبران کی موجودگی میں کارگزار صدر اور وزیر اقلیتی فلاح ڈاکٹر عبدالغفور کو دیا تھا ۔ لیکن افسوس کہ میری اس عرض داشت کے جواب میں اخلاقی طور پر بھی جواب دینے کی زحمت نہیں کی گئی۔اس کامنفرس کے سلسلے میں ڈاکٹر سید احمد قادری نے مذید بتایا کہ اس سال کے مجوزہ عالمی اردو کانفرنس کی طرح ہی گزشتہ سال بھی اسی طرح کی قومی کونسل برائے فرغ اردو زبان، نئی دہلی کی دیکھا دیکھی ایک کانفرنس 12-13 فروری 16 ء کو منعقد کی گئی تھی ۔ جس میں عالمی شخصیات سے کہیں زیادہ مقامی افراد تھے۔اس کا فیصلہ بھی اکادمی کے سیکریٹری نیاپنے طور پر کر لیا تھا ۔ بس ایک رسمی رضامندی کے لئے 4فروری 16ء کو عاملہ کی میٹنگ میں بہت سارے ایجنڈے کے ساتھ رکھا گیا ۔ اس پر عاملہ کے ممبران نے اعتراض جتایا اور اپنی ناراضگی کا اظہار کیا ، تو کارگزار سمیت سبھوں نے اکادمی کے دستورالعمل کے خلاف ہوئے اس فیصلہ کو رد کرنے کا فیصلہ کیا ۔ لیکن اس وقت سیکریٹری کے ہر غلط عمل اور فیصلے پر ساتھ دینے والے اکادمی کے نائب صدر ڈاکٹر اعجاز علی ارشد نے سبھوں سے گزارش کی کہ اب تو فیصلہ ہوگیا اور آخر وقت میں اسے ملتوی کیا جائے گا تو ریاست بہار او راکادمی کی بہت تضحیک ہوگی۔ معاملہ طول پکڑ گیا تو یہ طئے ہوا کہ اس معاملے پر نئے سرے سے غور و خوض کے لئے چند روز بعد یعنی 10 فروری کو ایک بار پھر میٹنگ ہوگی اور اس میٹنگ میں ریاست بہار کی ذلت و رسوائی نہ ہو ا س لئے سبھی لوگ مجبوراََخاموش ہو گئے اور رضامندی دیتے ہوئے یہ تنبیہ کی کہ آئندہ اس طرح کے فیصلے مجلس عاملہ کے بغیر نہ ہوں ۔ لیکن افسوس کہ پھر وہی حرکت دوہرائی گئی ، مجلس عاملہ کی منظوری تو دور عاملہ کے ممبران تک کو اس کی اطلاع دینا ضروری نہیں سمجھا گیا۔اس عالمی کانفرنس پرجب ایک روزنامہ میں کئی سوال اٹھائے او راس بات پر اعتراض جتایا کہ ایسے موقعوں پر صحافیوں اور اردو تحریک کاروں کا نظر انداز کیا جاتا ہے ، تو اس کے جواب میں راتوں رات’ فرد واحد’ نے چار نام مذید جو ڑ دئے ۔ جس میں دو صحافی اور دو اردو تحریک کا رکو شامل کیا گیا ۔ اب کوئی بتائے کہ ایسا کیوں کیا جا رہا ہیاوقر کس کی اجازت سے کیا جا رہا ہے۔ اکادمی کے فنڈ کا جس طرح بندر بانٹ ہورہا ہے ۔ وہ یقینی طور پر قابل مذمت ہے اور میں اکادمی کی مجلس عاملہ کے ممبر کی حیثیت سے اپنی بے زاری کا اظہار کرتا ہوں اور جو لوگ بار بار مجھے فون کر اس بابت سوال کرتے ہیں ، انھیں مطمئن کرنے کی کوشش کے لئے یہ چند جملے بیان کر دیا ہے ورنہ دل میں ابھی بہت کچھ دفن ہے ، جن کا اظہار میں جلد ہی کرونگا۔