بقراط مرزا جو خاموشی سے چائے کی چسکیاں لیتے ہوئے اخبارات کی خبریں ” تناول “ فرما رہے تھے کہ انہوں نے اچانک قہقہہ لگایا اور ساتھ ہی بے اختیار تبصرہ بھی جڑ دیا کہ
“ اسکے ساتھ ایسا ہی ہونا چاہےے تھا “
میں نے کہا مرزا جی خیر تو ہے اخبار میں کیا چھپ گیا ہے اور کس کے ساتھ ” ایسا ہی ہونا چاہےے تھا “ ؟
بولے یہ خبر خود ہی پڑھ لو مجھ سے اب یہ دوبارہ نہیں پڑھی جائے گی ۔ میں نے اخبار دیکھا تو خبر یہ تھی کہ ” برطانیہ کے سابق وزیر اعظم ڈیوڈ کیمرو ن کرایہ کے مکان میں منتقل ہو گئے ، ان کا اپنا گھر معاہدے کے مطابق اگلے سال خالی ہوگا ، وغیرہ وغیرہ “
میں نے کہا یار مرزا اس خبر میں بہت کچھ تو ہے مگر قہقہہ لگانے والی کون سی بات ہے ؟
تو چائے کے آخری گھونٹ بھرتے ہوئے بولے ” میں اس پر قہقہہ نہ لگاﺅں تو کیا ماتم کروں ؟
اب تم ہی بتاﺅ کہ کیا اِس شخص کا ذہنی توازن ٹھیک ہے ؟ اچھا بھلا برطانیہ کا وزیر اعظم لگا ہوا تھا اور ایک فضول سے ریفرنڈم میں ایک فیصد ووٹوں سے شکست پر خوا ہ مخواہ استعفیٰ دے کر کرائے کا مکان ڈھونڈتا پھرتا ہے حالانکہ اس کوکسی نے بھی استعفیٰ دینے پر مجبور نہیں کیا تھا ۔
میں کہا یار مرزا یورپی یونین سے علیحدگی کے حوالے سے ریفرنڈم پر اُس کے موقف کو برطانیہ کے عوام نے مسترد کر دیا تھا ، اس لئے اس نے اخلاقی طور پر استعفیٰ دے دیا ۔ جس میں ملک میں جمہوریت مضبوط ہوئی میری بات سن کر مرزا نے اپنی کنپٹی پر انگلی رکھ کر ہاتھ کو گھمایا اور قہقہہ لگاتے ہوئے کہا کہ کہیں تمہارا بھی ” توازی دماغن “ خراب تو نہیں ؟
میں نے کہا غالباً آپ ” دماغی توازن “ کہنا چاہتے ہیں تو بولے آپ کو سمجھ تو آگئی ہے یہ ہی سمجھ لیں ۔
میں نے کہا اس میں دماغی توازن خراب ہونے والی کون سی بات ہے ؟ بولے
ڈیوڈ کیمرون میں اگر ہمارے ملک کے چھوٹے موٹے سیاستدانوں جتنی عقل بھی ہوتی تو اس کے پاس کئی محلات ضرور ہوتے اور اووپرکی کمائی الگ ،ر ہی بات استعفیٰ دینے کی تو اسے ہمارے ملک کے وزیر اعظم سے نہ سہی سابق صدرِپاکستان سے آصف علی زرداری سے سیاسی داﺅ پیچ سیکھنے کے لئے ،عوام کو لارا لپا لگانے اور دیگر اسرار ورموز سیکھنے کے لئے”
سیاسی ٹیوشن “ پڑھنی چاہےے کہ اس نے ماڈل ٹاﺅن میں 14 افراد دن دہاڑے قتل ہونے، سینکڑوں افراد کو گولیوں سے زخمی کرنے اور ایف آئی آر میں ان کو نامزد ہونے کے باوجود انہوں نے پھر بھی استعفیٰ نہیں دیا ۔ پانامہ لیکس میں محض نام آنے پر کئی ممالک کے وزرا ءاعظم کو اپنی وزارت سے ہاتھ دھونا پڑے مگر انہوں نے اپنی کابینہ کے ہونہار وزراءکے ذریعے اپوزیشن کو وہ چکر دئےے کہ اپوزیشن منہ چھپائے پھرتی ہے ۔ ہمارے وزیر اعظم کے ہونہار سپوت ڈیوڈ کیمرون کے ملک میں اربوں کھربوں کا بزنس کر رہے ہیں ان سے ہی مال بنانے کا کوئی سنہری نسخہ لے لیا ہوتا ۔
اب آپ خود ہی بتائیں کہ ڈیوڈکیمرون اچھے خاصے ٹین ڈاﺅننگ سٹریٹ وزیر اعظم بنے بیٹھے تھے اور اب کرائے کے مکان ڈھونڈتے پھرتے ہیں ۔ اس کے ساتھ ایسے ہی ہونا چاہےے تھا کبھی وہ سائیکل پر ٹین ڈاﺅننگ سٹریٹ جاتے ہیں اور کبھی وہاں سے رخصت ہوتے ہوئے اپنا سامان خود اٹھاتے ہوئے پائے جاتے ہیں ،انہوں نے تو وزراءاعظم کی ناک ہی کٹوا کے رکھ دی بھلا ایسے ہوتے ہیں وزیرِاعظم؟اگر ان کو یہ منصب سنبھالنا نہیں آتا تھا تو ہمارے وزراءاعظم کو ہی دیکھ لیتے۔ اگر وہ ” خواجہ خواجگان “ اور اسحاق ڈار جیسے اعلیٰ تعلیم یافتہ اور پرویز رشید جیسے دبنگ قسم کے وزراءکو اپنی کابینہ میں شامل کرتے تو انہیں آج یہ دن نہ دیکھنا پڑتے ۔
میں نے کہا یار مرزا ریفرنڈم کے نتائج کا تقاضا تھا کہ وہ استعفیٰ دے دیتے یہ کچھ تو پھر ہونا ہی تھا ۔ مرزا بڑے غصے سے بولے
میاں ایسا تھکا ہوا فضول قسم کا ریفرنڈم جس میں کوئی ہنگامہ نہ کوئی توڑ پھوڑ ۔ نہ دیگاں شیگاں ، نہ ٹھا ہ ٹھاہ گولیاں شولیاں ، نہ بھنگڑے اور نہ آتش بازی اور نہ ہی دھاندلی کا شور ، یہ کیس کہ بس چپکے سے آﺅووٹ ڈالو اور چلے جاو، دفعہ کرو مٹی پاﺅ یہ کیا ریفرنڈم تھا ۔ اس طرح کے وزیر اعظم کے ساتھ یہی ہونا چاہےے تھا ۔

گندے میسج ۔۔۔گینڈا۔۔۔۔اور سیاستدان۔۔۔۔؟ تحریر :خورشید احمد ندیم

بازار سے سودا سلف خریدتے ہوئے ایک شخص نے اچانک بازار سے گزرتے ہوئے ایک شخص کو دو تین تھپڑ جڑ دیئے ۔ اردگرد کے لوگ جمع ہو گئے اور تھپڑ مارنے والے سے پوچھا ۔
تم نے اسے خوامخواہ کیوں مارا ہے ؟
در اصل اس شخص نے مجھے دو تین سال پہلے گینڈا کہا تھا ۔ اس شخص نے جواب دیا ۔
تو پھر تم نے اسے آج کیوں مارا ہے ؟ مجمع سے ایک اور شخص نے غصے سے سوال کیا ۔
وہ در اصل مجھے آج ہی پتہ چلا ہے کہ ” گینڈا“ ہوتا کیا ہے ۔
میں نے کہا یار مرزا اس لطیفے بلکہ گھسے پٹے اور بہت پرانے لطیفے پر کیا مجھے ہنسنا چاہیے ؟
اس پر مرزا نے قہقہہ لگاتے ہوئے کہا ۔
مجھے پتہ تھا کہ تمہیں بالکل ہنسی نہیں آئے گی کیونکہ یہ لطیفہ اتنا پرانا ہے کہ اب اسکی مونچھیں بلکہ بھنویں تک سفید ہو چکی ہیں ۔
مرزا بولے یہ بات سچ ہے مگر اس سیاسی لطیفے کو کہاںفٹ کرو گے جو میں نے گذشتہ روز سنا ہے میں نے پوچھا آپ نے کون سا لطیفہ سن لیا ہے ۔
میں نے کہا مرزا لطیفہ یا تو ہوتا ہے یا نہیں ہوتا ۔ مگر یہ سیاسی لطیفہ کیا ہوتا ہے ؟
اُس پر مرزا نے ہنس کر کہا ۔
پی ٹی آئی کی عائشہ گلالئی نے گذشتہ روز تحریک انصاف کے یوم تشکر کے دوسرے دن ایک پریس کانفرنس میں چیئرمین پی ٹی آئی عمران خان پر ” الزامات کی بارش “ کر دی ہے کہ اس نے آج سے 4سال پہلے مجھے ” گندے گندے میسج “ کئے اور آخری میسج مجھے گذشتہ سال جولائی میں آیا تھا ۔
میں نے کہا تو پھر گلاگئی نے کل پریس کانفرنس کیوں ٹھوک دی ؟
مرزا بولے ” در اصل گلالئی کو اب پتہ چلا ہے کہ عمران خان نے کئی سال پہلے جو مسیج کئے تھے وہ ” گندے “ تھے ۔
میں نے کہا مرزا اس لطیفے پر تو ہنسنا بنتا ہے ۔ مرزا بولے ہر گز نہیں لطیفہ یہ نہیں ہے لطیفہ دراصل یہ ہے کہ گلالئی نے اسلام آباد پریس کلب میں پریس کانفرنس کے دوران صحافیوں کو کہا تھا کہ ان کو ثبوت کے طور پر مسیج دکھائیں گی مگر وہ یہ کہہ کر صحافیوں کو ” گولی “دے گئیں کہ وہ وقت آنے پر ضرور دکھائیں گی ۔

خورشید احمد ندیم کے مزید کالم پڑھنے کیلئے یہاں کلک کریں۔
میں نے کہا مرزا اگر آپ نے یہ واقعہ مجھے لطیفہ کے طور پر سنایا ہے تو مجھے سوچنا پڑے گا کہ اس کو کس خانے میں فٹ کرنا ہے ؟
تو بڑے غصے میں بولے میاں ایک تو تم بہت بے صبرے ہو اوردوسرے حالات حاضرہ سے بے خبر بھی میں نے پوچھا کہ اب کیا ہوا ۔
بولے اصل لطیفہ تو اس کے فوری بعد ہوا تھا ۔ میں نے پوچھا وہ کونسا ؟
بولے اصل لطیفہ یہ ہے کہ ” مسلم لیگ (ن) کے حنیف عباسی نے نہ صرف گلالئی کی جرا¾ت کی داد دی ہے بلکہ الزامات کو فوری طور پر نہ صرف سچ تسلیم کر لیا ہے بلکہ الزامات کی تحقیقات کیلئے عمران خان کو فوری طور پر اپنا ”بلیک بیری “ بھی پیش کرنے کا مطالبہ کیا ہے ۔
میں نے کہا کہ اس سارے ” ٹو پی ڈرامے میں لطیفہ کیا ہے اور کہاں ہے “۔ ؟
اس پر مرزا نے قہقہہ لگایا اور بولے کہ اصل لطیفہ یہ ہے کہ پوری مسلم لیگ نے ” پاکستان کی سب سے بڑی عدالت کے پانچ قابل احترام اور ایماندار ججوں کی یہ بات تسلیم نہیں کی کہ میاں نواز شریف ” نا اہل ہیں“ لیکن مسلم لیگ والوں نے بغیر کسی ثبوت کے گلالئی کے عمران خان پر لگائے گئے الزامات کو درست تسلیم کر لیا ہے “۔ میں نے کہا مرزا اگر یہ بات ہے تو یہ لطیفہ ہرگز نہیں بلکہ یہ انتہائی خطرناک صورتحال ہے کیونکہ حنیف عباسی نے میڈیا سے گفتگو کرتے ہوئے عمران خان کو وارننگ دی ہے کہ وہ اپنی ”حرکتوں“ سے باز آجائے ورنہ انکی سابق اہلیہ ” ریحام خان“ کی کتاب الیکشن 2018ءسے پہلے منظر عام پر آرہی ہے ۔ جس سے عمران خان کسی کو منہ دکھانے کے قابل نہیں رہے گا۔ میں نے کہا یار مرزا اگر یہ بات ہے تو یہ انتہائی خطرناک اور حساس معاملہ ہے کیونکہ اگر تمام سیاستدانوں نے ایک دوسرے پر اس طرح کے حملے کرنے شروع کر دیئے تو پھر کوئی بھی نہیں بچے گا “۔ اگر شیشے کے گھر میں بیٹھ کر دوسروں کو پتھر مارو گے تو پھر یادرکھنا کہ دوسری سمت سے آنے والا ایک پتھر آپ کے ” شیش محل “ کو چکنا چور کر سکتا ہے ۔ بڑے میاں جی کو چاہیے کہ وہ غلط مشورے دینے والے مشیروں سے بچ کے رہیں کہیں ایسا نہ ہو کہ اقتدار اور پارٹی کی صدارت سے تونا اہلی ہو ہی چکی ہے کہیں خدانخواستہ عزت بھی داﺅ پر لگ جائے ۔ اگر آپ کے ”خیر خواہوں “کے کہیں سے کوئی عائشہ گلالئی مل سکتی ہے تو آپ کے مخالفین کو بھی کوئی نہ کوئی مل ہی جائے گا۔۔۔۔ باقی آپ عقل کل ہیں اور ہم سب سے ذیادہ سمجھدار بھی
دھول مٹی جب اُڑتی ہے تو ضروری نہیں کہ مخالف کے سر پڑے ہوا کا رُخ بدلے تو سب اپنے اُوپر بھی آسکتی ہے آگے آپ جانیں آپ کا کام سُنا ہے عقلمند کے لئے اشارہ ہی کافی ہوتا ہے مگر پھر بھی
” ہم نیک وبد …….. حضور کو سمجھائے جاتے ہیں ۔ 

یہ تھا کالم گندے میسج ۔۔۔گینڈا۔۔۔۔اور سیاستدان۔۔۔۔؟

میں نے بقراط مرزا کو جب یہ بتایا کہ امریکی صدر ڈونلڈ ٹرمپ نے پاکستان سے Do moreیعنی ”اور کرو“ کا مطالبہ کر دیا ہے ۔ تو اس پر مرزا نے قہقہ لگایا اور علامہ اقبال کا یہ شعر پڑھا کہ
تقدیر کے قاضی کا یہ فتویٰ ہے ازل سے
ہے جرم صنیفی کی سزا امرگ مفاجات
میں نے کہا یار مرزا میں سنجیدگی سے بات کر رہا ہوں آپ ہو کہ اس کوشعروں میں اڑا رہے ہو۔اس پر مرزا نے کہا کہ ہر گز نہیں ،میں تو یہ چاہتا ہوں کہ اب پاکستان علامہ اقبال کے سبق پر عمل کر ے اور امریکی ڈو مور کے جواب میں نو مور یعنی اور زیادہ کرو کے جواب میں”چل بھاگ یہاں سے “کا جوانی وارکر ے۔
میں نے کہا کہ یار مرزا آپ نے امریکی صدر ڈونلڈ ٹرمپ کی تقریر سنی ہے جس میں انہوں نے پاکستان کی دہشت گردی کی جنگ 70 ہزار سے ایک لاکھ تک قربانیوں کو یک سر نظر انداز کر کے بھارت کو اپنا پارٹنراور دوست قراردیا اور یہ بھی کہا کہ اب افغانستان میں امریکی مفادات کے حصول کیلئے ”تھانیداری“ کے فرائض بھارت سر انجام دے گا۔ ڈونلڈ ٹرمپ نے یہ بھی کہا کہ ہم پاکستان کو لاکھوں ڈالرز دہشت گردی کے خاتمے کیلئے دیتے ہیں۔ مگر پاکستان میں انہی دہشت گردوں کی محفوظ پناہ گاہیں ہیں۔
اس پر مرزا نے کہا کہ امریکہ کی جانب سے ڈو مور کا مطالبہ کو ئی نیا مطالبہ نہیں ہے ۔ یہ ہر دور میں ہوتا رہا ہے ۔ سابق امریکی صدر جمی کارٹر نے جب پاکستان کو افغانستان میں گھسے روس کے خلاف جنگ میں جھونکنا چاہا تو سابق صدر مرحوم جنرل ضیاءالحق نے امریکی امداد کو ”مونگ پھلیاں “کہہ کر امریکہ کے منہ پر دے مارا۔ اس کے علاوہ امریکی حکومت سے جب بھی ”او ر کرو“ کا مطالبہ کیا گیا تو پاکستان کی جانب سے کوئی زیادہ مزاحمت نہیں کی گئی۔ سابق امریکی صدر جارج بش نے افغانستان پر 9/11 کی آڑ میں حملہ کیا تو سابق صدر پرویز مشرف نے امریکہ کا کھل کر اس لیے ساتھ دیا تھا کہ امریکی صدر نے پرویز مشرف کو فون کیااور پوچھا کہ ”آپ امریکہ کے ساتھ ہیں یا خلاف“؟
جب مشرف نے پس و پیش سے کام لیا تو امریکی صدر بش نے کہا تھا کہ ”ہم پاکستان کو پتھر کے دور میں دھکیل دیں گے “ پھر افغانستان میں جو کچھ ہوا وہ ساری دنیا نے دیکھا
میں نے کہا کہ یار مرزا اب ہماری حکومت کا رد عمل کیا ہے؟اس پر مرزا نے کہا کہ بڑے افسوس کے ساتھ کہنا پڑرہا ہے کہ ”Bagers have no choice“ بھکاریوں کے پاس کوئی چوئس نہیں ہوتی۔ امریکی صدر کی تقریر کے بعد پاکستان کے وزیر اعظم شاہد خاقان عباسی نے کابینہ کے ہمراہ اجلاس کے بعد تشویش اور حیرت کا اظہار کیا ہے جبکہ ہمارے وزیر خارجہ خواجہ آصف نے مشاورت سے یہ فیصلہ کیا ہے کہ وہ امریکہ جا کر پاکستان کے موقف کی وضاحت کریں گے ۔
میں نے کہا کہ یار مرزا آپ کی بات درست ہے کہ کیا ہمارے ملک کی طرف سے صرف اظہار تشویش کر دینے سے کام چل جائے گا؟۔ اور ہمارے ملک کا پالیسی بیان کیا ہو گا؟ ہمارے ملک کے وزیر خارجہ نے امریکی صدر کے بیان پر کیا رد عمل ظاہر کیا ہے ؟اس پر مرزا بولے در اصل ہمارے ملک کی کابینہ کو اس وقت دہشت گردی کا مسئلہ در پیش نہیں ۔ہمارے ملک کو تو گذشتہ چار سال سے ایک فل ٹائم وزیر خارجہ نصیب نہیں ہو سکاتھا۔ وہ تو نواز شریف کے نا اہل ہونے سے خواجہ آصف کو مجبوراً وزیر خارجہ بنا یاگیا ہے۔ اور مزے کی بات یہ ہے کہ ٹرمپ کی تقریر کے فوراً بعد پاکستان کے دیرینہ دوست چین نے ڈونلڈ ٹرمپ کے بیان پر شدید رد عمل ظاہر کیا اور پاکستان کی دہشت گردی کی جنگ میں قربانیوں کو سراہا اور امریکہ کو کرارا جواب دیا اور تو اور اب تو روس کی حکومت نے بھی دہشت گردی کی جنگ میں پاکستایوں کے کردار کو سراہا ہے اور امریکی صدر کو آڑے ہاتھوں لیا ہے، جبکہ ہماری وزارت خارجہ ”ٹک ٹک دےدم دم نہ کشیدم“ کی تصویر بنی ہوئی ہے۔
میں نے کہا کہ کیا امید ہے کہ پاکستان امریکہ کو کوئی کھرا اور سیدھا جوا دے گا؟یہ سن کر مرزا بولے نہیں”ہم اسی تنخواہ پر کام کریں گے ۔ویسے بھی امریکہ کے نزدیک ہم کرائے کے فوجی ہیں۔ ہم نے 70 ہزار افراد کی قربانی دی تو کیا ہوا۔ ہماری کیا مجال کہ ہم امریکہ کی بات ٹال سکیں۔ اور امریکہ کو جواب دے بھی تو کون دے کیونکہ ہمارے ملک کی ساری کابینہ تو ایک نااہل اور کرپٹ وزیر اعظم کو بچانے کیلئے آئین کو تبدیل کرنے کی فکر میں ہے۔ انہیں تو آئین کی دفعہ 62 اور 63 نے پریشان کر رکھا ہے ۔ کیونکہ ہر ایک ڈاکو چور اور کرپٹ کے سر پر خطرے کی تلوار دن رات لٹک رہی ہے ۔ انہیں امریکہ سے کم اور نیب کے ساتھ ساتھ سپریم کورٹ سے زیادہ خطرہ ہے۔ امریکہ کی غلامی میں ڈالر بھی ملتے ہیں اور اقتدار بھی ۔جبکہ62 اور 63 کی زد میں آنے سے ذلت اور جیل کے سوا کیا ملے گا؟
میں نے پوچھا مرزا امریکی وزیر خارجہ ر یکس ٹیلر سن نے تو کہا ہے کہ پاکستان میں موجود دہشت گردوں کی محفوظ پناہ گاہوں سے ہم پر حملے ہوئے ہیں۔ او ر ہم امریکی فوجیوں کی ہلاکتیں برداشت نہیں کریں گے ،
مرزا بولے در اصل بات یہ ہے کہ افغانستان میں موجود طالبان نے امریکی فوجیوں کا مارمار کے بھر کس نکال دیا ہے ۔ اور افغانستان سے امریکہ جانے والے تا بوتوں کی تعداد میں اچانک اضافے سے امریکہ بوکھلا گیا ہے۔۔ اسی بات پر جھلا کے ڈونلڈ ٹرمپ نے افغانستان میں مزید فوجی بھیجنے کا اعلان کیا ہے ۔ امریکہ جب بھی افغانستان میں چھترول ہوتی ہے اسے پاکستان پر غصہ آتا ہے اور وہ ڈو مور کا مطالبہ شروع کر دیتا ہے ۔ میں نے کہا امریکہ کا جھکاﺅ اب بھارت کی طرف کیوں ہو گیا ہے؟
تو مرزا بولے سیدھی سی بات ہے کہ بھارت کی لابی پاکستان کے مقابلے میں دنیا بھر کے ممالک میں انتہائی کا میاب ہے ۔پاکستان دہشت گردی کی جنگ میں لاکھوں قربانیاں اور اربوں روپے کا نقصان اٹھانے کے بعد بھی دنیا بھر کے ممالک خصوصاً امریکہ اور بھارت اپنا کیس ٹھیک طرح سے پیش نہیں کر سکا۔جبکہ بھارت دہشت گردی کر کے بھی معصوم بنا پھر تا ہے ۔ اس کی وجہ سے صرف خارجہ پالیسی کا مضبوط ہونا ہے ۔
مرزا بولے امریکہ اپنا مطلب نکالنے کےلئے دوستی کرتا ہے کیونکہ امریکہ کی نظر میں کوئی مستقل دوست اور کوئی مستقل دشمن نہیں ہوتا ۔ اسی پالیسی کے تحت اگر ”پاکستان امریکہ کو ” نو مور“ کہہ کر بائے بائے کر دے تو امریکہ کے ہوش ٹھکانے آ جائیں کیونکہ امریکہ کی افغانستان میں ساری سپلائی پاکستان کے ذریعے ہوتی ہے مگر سوال پھر یہی ہے کہ ایسا کون اور کیسے کرے گا؟

دشمنوں نے اُڑارکھی تھی کہ خواتین تو خاموش رہ سکتی ہیں مگر یہ نہیں ہو سکتا کہ بقراط مرزا زیادہ دیر خاموش رہیں ،لیکن آج خلاف معمول مرزانہایت خاموش اور بُجھے بُجھے سے تھے۔
میں نے انہیں چھیڑنے کے لئے کہا یار مرزا خیر تو ہے ناں۔۔ آج پانامہ لیکس ۔۔۔کسی ڈان لیکس یا پی ایس ایل کی سپاٹ فکسنگ سکینڈل پر کوئی تبصرہ نہیں ۔۔۔؟
وہ پہلے تو میری طرف خالی خالی نظروں سے دیکھتے بلکہ گھورتے رہے اور پھر دھیمے لہجے میں بولے
ےار آج دل نہیں چاہ رہا کسی خبر پر تبصرے کی ِ”گولہ باری “کرنے کواور ویسے بھی سمجھ نہیں آرہا کہ کس خبر پر تبصرہ کریں اور کس پر نہ کریں ۔
مرزا بولے ایک وقت تھا کہ کہیں کوئی دنگا فساد ہو جاتا تو ہر طرف خوف وہراس پھیل جاتا اور لوگ توبہ توبہ کرنے لگتے اور اسے قُربِ قیامت کی نشانیاں قرار دیتے مگر آج ہماری حالت یہ ہو گئی ہے کہ بڑی سے بڑی خبر بھی اب کوئی خبر نہیں رہی ۔
پہلے اگرکہیں قتل ہو جاتا تو ہر طرف سناٹا چھا جاتا لوگ گھروں میں دبک جاتے اور سب سے بڑی بات یہ کہ آسمان لال آندھی سے سُرخ ہو جاتا جس سے دُور دراز کے لوگ بھی سمجھ جاتے کہ کہیں قتل ہوا ہے لوگ خوفزدہ ہو کر اللہ کی بارگاہ میںتوبہ توبہ کرنے لگتے تھے۔
مگر اب تو یہ عالم ہے کہ ایک ایک بم دھماکے اور خودکش حملے میں درجنوں بلکہ بعض اوقات سینکڑوں افراد کیڑے مکوڑوں کی طرح مارے جاتے ہیں اور حیرت انگیز طور پر کہیں سُرخ آندھی بھی دکھائی نہیں دیتی۔
مرزا بولے بڑے افسوس کی بات ہے کہ لوگ اب اتنے بے حِس ہو گئے ہیں کہ ٹی وی پر کسی بم دھماکے یا خود کش حملے کی خبر دیکھتے اور سُنتے ہیں اور پھر اِس طرح پوچھتے ہیںکہ کتنے مرے کتنے زخمی ؟ گویا ایک دوسرے سے کسی کرکٹ میچ کاسکور پوچھ رہے ہوں۔
میں نے کہا ےار مرزا بات تو آپکی ٹھیک ہے مگر اس مسئلے کا کوئی حل بھی تو ہو گا ؟
آخر حکمران بم دھماکے اور خود کش حملے روکنے کے لئے کیا کریں ؟
میرے اس سوال پر مرزا غصے میں آگئے اور بولے ۔
میاںحکمرانوں کی تو بات ہی چھوڑدو وہ اِسی عوام کے خون پسینے کی کمائی سے لئے ہوئے ٹیکسوں سے خریدی جانے والی بلٹ پروف اور بم پروف گاڑیوں اور سینکڑوں کمانڈوز کے حصار میں رہتے ہیں اور ذرا سی خطرے کی بوسُونگھ کر ہی اپنا دورہ اور سارا پروگرام ہی منسُوخ کر دیتے ہیں
ان حکمرانوں کو جتنی فکر اپنی اور اپنے خاندان کی سیکورٹی کی ہے اس سے آدھی فکر بھی عوام کی ہوتی تو آج عوام کا یہ حال نہ ہوتا ،رہی بات حکمرانوں کی تو ان سب کا طرزِعمل ایک ہی ہے چاہے وہ نئے ہوں یا پُرانے اور کسی بھی پارٹی سے ہوں ۔
میں نے کہا ےار مرزا ایسے تو نہ کہو یہ کس طرح ممکن ہے ؟تو بولے اگر یقین نہیں آتا توموجودہ اور سابق حکمرانوں کے نئے اور پُرانے اخباری بیانات کا ریکارڈ نکلوا کر دیکھ لو تو ”محمودوایاز ایک ہی صف “میں کھڑے نظر آئیں گے ،پارٹی کوئی بھی ہو
سب کے اخباری بیانات اور طرزِعمل ایک ہی ہوگا اور ہے مثلاً
٭ہم دہشت گردوں اور تخریب کاروں کی کی گردنیں توڑکر رکھ دیں گے ۔۔۔وزیرِداخلہ
٭ ہم نے دہشت گردوں کی کمر توڑ کر رکھ دی ہے دوبارہ منظم نہیں ہونے دیں گے ،وزیر اعظم
٭ہم دہشت گردی کے خاتمے تک چین سے نہیں بیٹھیں گے ،دہشت گردوں اور ملک دشمن عناصر سے آ ہنی ہاتھوں سے نپٹا جائے گا ۔۔۔آرمی چیف
٭کسی کو بھی ملک میں دہشت گردی اور تخریب کاری کی اجازت نہیں دی جائے گی(گویا سماج دشمن اور تخریب کا رعناصر آپ کو باقائدہ درخواست پیش کریں گے کہ جناب ِ عالی ہمیں ایک عدد بم دھماکہ یا خود کش حملہ کرنا چاہتے ہیں مہربانی فرما کر اس کی اجازت دی جائے وغیرہ وغیرہ)
میں نے کہا کہ ےار مرزا اب آپ چٹکلوں اور لطیفوں پر اُتر آئے ہو ۔
بولے ہر گز نہیںہمارے حکمرانوں کے اخباری بیانات اکثراوقات کسی لطیفے سے کم نہیں ہوتے مثال کے طور پر ہمارے ایک سابق” وزیر قنون“کا یہ بیان اخبارات نے نمایاں طور پر شائع کیا تھا کہ ”کسی کو قنون ہاتھ میں لینے کی اجازت نہیں دی جائے گی اگر کسی نے کوشش کی تو یہ حرکت میں آ جائے گا “
میں ابھی قہقہہ لگانے کا ارادہ کر ہی رہا تھا مرزا نے ہاتھ اُٹھا میرے قہقہے کا خون کر دیا اور بولے
ہر دھماکے ،خودکش حملے اور وادات کے بعدحکومت کے اعلیٰ وبالا افسران اور ذمہ داران ہمیشہ ایک ہی طرز کے بیانات دیتے ہوئے دکھائی دیتے کہ
٭ہم تخریب کاروں کو نہیں چھوڑیں گے ۔۔۔۔ہم یہ کر دیں گے ۔۔،ہم وہ کر دیں گے اس کے بعد ذرا اس تصویر کا دوسرا رُخ ملاحظہ فرمائیں
کسی بھی دھماکے ،تخریب کاری یا حادثے کے فوراً بعد الیکٹرانک میڈیا پر یہ بیانات اور خبریں آنا شروع ہو جاتی ہیں کہ
٭وزیر اعظم یا وزیر اعلیٰ نے واقعے کا نوٹس لے لیا فلاں فلاں افسر یا ذمہ داران کو معطل کر دیا گیا
٭ واقعے کی فوری تحقیقات کا حکم دے دیا گیا ،فوری رپورٹ پیش کرنے کا حکم دے دیا گیا
٭اعلیٰ سطح کا اجلاس طلب ،کسی کو نہیں چھوڑا جائے گا ،تحقیقات کوبہت جلد منظرِعام پر لایا جائے گا وغیرہ وغیرہ
زندگی جب معمول کی جانب چلتی ہے لوگ پُرانے واقعات کو بھول بھال کر اپنے اپنے کاموں میں لگ جاتے ہیں کہ اچانک پھر کوئی دلخراش سانحہ رُونماہوتا ہے جو لوگوں کو خون کے آنسو رُلا دیتا ہے لیکن حیرت انگیز طور پر پھر وہی سالہا سال پُرانی اور گھِسی پِٹی فلم ایک با ر پھر چلا دی جاتی ہے اعلیٰ حکام تو ایک سرسری سا خانہ پرُی والابیان جاری کرتے ہیںمگرخوشامدی ٹولہ اور ان کے ہمنوا
باقائدہ ڈھولکیاں باجے اور سارنگیاں لے کر ایک با پھر ”راگ درباری“کا الاپ پوری شدومد سے شروع کر دیتے ہیں ،
اخبارات اور الیکڑانک میڈیاپر پھر سے وہی بیانات دہرائے جانے لگتے ہیں
بقول اطہر شاہ خان المعروف مسٹر جیدی تم اگر مارو گی کھینچ کر بیلن
میری جانب سے بھی چمٹا آئے گا
یہ بیان اصلی ہے اخباری نہیں
آہنی ہاتھوں سے نپٹا جائے گا 

شہا دت حضرت امام حسینؓ عا لی مقام جیسے موضوع پر میرے جیسے کم علم کا کچھ تحر یر کر نا کو ئی معنی کو ئی حیثیت نہیں رکھتا ۔
یہ سورج کو چراغ دکھا نا اور کو زے میں سمند ربند کر نے سے بھی کہیں زیا دہ مشکل کا م ہے ۔
عقید ت اور ادب قدم قد م پر احتیا ط کا مشورہ گویا ”دودھا ری تلوار“
بہر حا ل چند حرف اس لئے احا طہ تحر یر میں لا رہا ہوں ۔ کہ کل ”قیا مت کے دن “جب نا مہ اعما ل کھلیں گے تو اس نا چیز کا نا م چا ہے سب سے آخر ی میں ہی کیو ں نہ ہو محبا ن اہل بیت اور خا نو ادہ رسولﷺ کے خداموں اور جا نثا روں کی فہر ست میں درج ہو ، اور میر ے تحر یر کر دہ الفا ظ بطور سند آقا ئے دو جہاں ختم الر سل ﷺ شا فع محشر کی خد مت اقد س میں پیش ہوں ، اور اس نا چیز کو سر کا ر دو عالم ﷺ کی شفا عت کا پر وانہ نصیب ہوجا ئے ۔ (آمین)
کیونکہ بقول شاعر اللہ نے سجا رکھا ہے جنت کو اس لئے شایدکوئی حسین ؑکے صدقے میں مانگ لے
قا رئین! آپ مجھ سمیت سب کیلئے دعا فر ما ئیں کہ اللہ تعالیٰ ہم سب کو اہلِبیت اور شہدائے کربلا سے حقیقی محبت اور عقیدت نصیب فرمائے اور اس کے صدقہ میں بخشش کا پروانہ عطا فرمائے کیونکہ
تا حشر یہ خیال میرے میرے دل کا چین ہے یعنی میری نجات کا ضامن حسین ؑ ہے
یو م عا شورہ کے دن ہوائیں ، فضا ئیں ، چر ند ، پر ند غر ضیکہ ہر شے سو گوار ہو تی ہے ۔ شہاد ت امام حسین ؓ عالی مقا م وہ’ ’شہا دت “ ہے جس کو حضرت اما م حسین اور خا نو ا دہ رسول کے دیگر شہدا ءکے صد قے میں یہ بلند مر تبہ نصیب ہوا ، حضرت امام حسین ؓ شہا دت کے محتا ج نہیں تھے ، بلکہ شہا دت انکی نسبت کی محتا ج تھی ، جس پر شہا دت نا زاں ہے ، کیو نکہ یہ بات طے شد ہ ہے کہ ۔
یز ید آج بھی بنتے ہیں لوگ کوشش سے
حسین ؓ خود نہیں بنتا خدا بنا تا ہے
اور یہ با ت بھی کسی سے ڈھکی چھپی نہیں کہ انسان روزازل سے ہی تما م تر اختیا رات اپنی ذات میں مر تکز کر کے خدا بننے کے جنون اور ”ذہنی فتور“ میں مبتلا رہا ہے تاریخ انسانی گواہ ہے کہ ہر دور اور ہر عہد میں مسند اقتدار پر براجمان مطلق العنا ن با د شا ہوں کی ”کھو پڑیوں “ میں سب سے اعلیٰ و بر تر ہو نے کا ”پا گل پن “پر ورش پا تا رہا ہے اسی کے غلبہ میں وہی کبھی اپنے آپ کو انار بکم الا علیٰ؟
پکا را ٹھتا ہے ، تو کبھی وہ اپنے آپ کو” رب عظیم“ کہلوا کر اپنی رعا یا کو سجد ے کر نے پر مجبور کر تا ہے ، و ہ تاریخ انسا نی میں کبھی فر عون ، ہا ما ن ، نمر و د اور شدا د کی شکل میں تو کبھی یزید کی شکل میں منظر عا م پر آتا ہے ، وہ
جہا لت کا دور ہو یا آج کی نا م نہا د مہذب اور روشن خیال جمہو ری حکومتیں ، جن میں ظلم ، بر بریت ، در ند گی اور وحشت کا دور دورہ ہے ، آج کا نا م نہا د مہذب انسا ن اپنی تما م تر روشن خیا لی سا ئنسی اور فنی تر قی کے
با وجود ، درند ہ اور ہمارا معا شردرندووں کا معاشرہ بنتا چلا جا رہا ہے ،کسی شا عر نے ان الفا ظ کو حسین جا مہ پہنا یا تھا کہ ۔ہم جو انسا ن کی تہذیب لئے پھر تے ہیں
ہم سا و حشی کو ئی جنگل کے در ندوں میں نہیں
موجودہ انسانی معا شرہ نے صرف یہ تر قی کی ہے کہ لفظوں کے معنی اور مفہوم بد ل دئیے ہیں اب جسما نی غلامی کی جگہ سیاسی اور معا شی غلا می کو متعا رف کر ایا گیا ہے ، ریاستی دہشت گر دی ، نے ہر چیز کو اپنی ہو س ناک لپیٹ میں لے لیا ہے۔ دور جد ید کا یز ید جسے حق کہتاہے غلام اسے حق حق پکا رنے لگتے ہیں اگر وہی کسی ولی اللہ کو بد معا ش اور دہشتگر د کا نا م دے ڈالے تو ہم غلامی سے مجبور ہو کر وہی راگ الا پنے لگتے ہیں ، تاریخ گواہ ہے کہ آتش نمر ود سے لیکر میدان کر بلا میں خا نو ادہ رسول ﷺ کے خیا م کو آگ لگا ئے جا نے تک ریا ستی دہشت گر دی کی ان گنت مثالیں بکھری پڑی ہیں وہ چا ہے ، عراق ہو یا افغا نستا ن ، وہ کشمیر ہو یا فلسطین وقت کا یزید اہل اسلا م اور اہل حق کو تہ تیغ کر نے پر تلا ہوا ہے ، اور سوا ارب سے زائد مسلما ن اور انکے حکمرا ن ”ٹک ٹک دید م دم نہ کشید م “
کی مثالیں بنے ہو ئے ہیں ، میں نہ واعظ ہوں نہ مبلغ نہ سیاسی لیڈر کہ آپ کو ، بھا شن دوں بس یہ کہنا عرض کر نا چا ہتا ہوں کہ ہر سا ل یوم عاشورہ پیغام دے کر رخصت ہو جا تا ہے کہ اگر اربوں مسلما نوں میں صرف 72افراد بھی حق پر ڈٹ جا ئیں توہر دور کے یزید کا سر خاک آلود کر سکتے ہیں( تاریخ تو اس بات کی بھی گواہ ہے کہ چھ ما ہ کے شیر خوار بچے نے میدان کربلا میں گلے پر تیر کھا کر قیا مت تک یزید کا سر خا ک آلود کر دیا) اس میں چھ ما ہ کے شیر خوار بچے سے لے کر نو جوان کی قید نہیں۔ آخر میں ایک تاریخی واقعہ ملا حظہ فر ما ئیے۔
تاریخ کے کسی ورق پر یہ بھی تحر یر ہے کہ حضرت عبدالرحمن ابن ابی نعیم سے روایت ہے کہ میں نے عبد اللہ بن عمر رضی اللہ تعالیٰ عنہ کو سنا جب ان سے حا لت احرام میںکسی نے سوال کیا۔روای شعبہ نے کہا میرا خیا ل ہے مکھی کو ما رڈا لنے والے کیلئے کسی شخص نے فتویٰ پوچھا تو آپ نے فر ما یا۔
اہل عراق مجھ سے مکھی کے با رے میں مسئلہ پوچھ رہے ہیں جبکہ وہ رسول اکرم ﷺ کی بیٹی کے فر زند (حضرت اما م حسین علیہ السلا م کو شہید کر چکے ہیں ، جبکہ رسول اکر مﷺ نے فر ما یا تھا کہ وہ دونوں (امام حسین اور امام حسن علیہ السلا م )دنیا میں میرے دو پھو ل ہے کیا قا رئین آپ کا کیا خیا ل ہے اس دو رنگی پر ؟