کھیل

لاہور: (نمائندہ خصوصی) چیمپئنز ٹرافی کے بعد بیشتر قومی کرکٹرز کو شائقین کو ایک بار پھر ایک دوسرے کیخلاف ان ایکشن دیکھ سکے گے۔ کیربین کرکٹ لیگ میں اب تک شعیب ملک، حسن علی، شاداب خان، وہاب ریاض اور کامران اکمل ویسٹ انڈیز پہنچ چکے ہیں جبکہ محمد حفیظ بھی آج رات ویسٹ انڈیز کے لیے روانہ ہو گے۔ محمد حفیط سینٹ کٹس کی نمائندگی کریں گے۔

ملتان: (نمائندہ خصوصی) ٹیسٹ کرکٹر راحت علی شادی کے حسین بندھن میں بندھ گئے، بارات میں رشتے دار اور عزیز و اقارب نے شرکت کی۔ سہرا بندی کے راحت دلہنیا لینے نیو ملتان اپنے والدین، رشتے داروں اور دوست احباب کے ساتھ پہنچے۔ راحت علی جب دلہن لینے نجی شادی ہال پہنچے تو ان کے دوستوں نے ڈھول کی تھاپ پر بھنگڑے ڈالے اور نوٹ بھی نچھاور کیئے۔ قومی ٹیسٹ کرکٹر نے اس موقع پر کالے رنگ کی شیروانی اور کلازیب تن کیا ہوا تھا۔

لاہور: (نمائندہ خصوصی) آئی سی سی کی جانب سے تازہ ٹیسٹ رینکنگ جاری کر دی گئی جس کے مطابق بیٹنگ میں سٹیو اسمتھ ٹاپ پوزیشن پر براجمان ہیں، بھارتی بلے باز پُجارا کی ایک درجہ ترقی کے بعد تیسرے نمبر پر آ گئے ہیں جبکہ کین ولیم سن اور ویرات کوہلی کی ایک ایک درجہ تنزلی ہوئی، ولیم سن چوتھے اور کوہلی پانچویں نمبر پر براجمان ہین۔ آنجنکیا ریحانے پانچ درجے ترقی کر کے نمبر چھ ہو گئے ہیں۔ اظہر علی کو دو درجے تنزلی کی کڑوی گولی نگلنا پڑی، آٹھویں نمبر کے بیٹسمین بن گئے۔ بولنگ میں رویندرا جڈیجا کی پہلی پوزیشن برقرار ہے جبکہ جیمز اینڈرسن ایک درجہ ترقی کر کے دوسرے نمبر کے بولر بن گئے۔ جنوبی افریقہ کو تگنی کا ناچ نچانے والے معین علی کی بولنگ میں تین درجے ترقی، اکیسواں نمبر مل گیا

لاہور: (نمایندہ خصوصی) امریکی ریاست میں جاری سٹینفورڈ ٹینس ایونٹ روسی سٹار ماریہ شراپوا کی وجہ سے توجہ کا مرکز بنا۔ میزبان کھلاڑی جینفر بریڈے کے خلاف فاتحانہ آغاز کے بعد ماریہ شراپوا پر سب کی نظریں جم گئیں مگر شراپوا یوکرائنی حریف کے خلاف دوسرے راؤنڈ کا میچ مکمل نہ کر سکیں، بازو میں تکلیف کے باعث آؤٹ ہو گئیں۔ روسی ٹینس سٹار 2 ماہ پہلے اٹالین اوپن میں ٹانگ کی انجری کا شکار ہو گئی تھیں۔ انجریز سے پہلے ماریہ شراپوا ممنوعہ ادویات کے استعمال پر 15 ماہ کی پابندی کی سزا کاٹ چکی ہیں۔

واشنگٹن: (نمائندہ خصوصی) سٹینفورڈ ٹینس کے دوسرے مرحلے میں سپین کی گاربائن موغوروزا اور امریکا کی کائلا ڈے مدمقابل ہوئیں۔ ہسپانوی کھلاڑی نے پہلا سیٹ چھ دو سے با آسانی اپنے نام کیا۔ دوسرے سیٹ میں بھی وہ اپنی حریف چھائی رہیں اور انہیں یکطرفہ کھیل کے بعد چھ صفر سے ہرا دیا۔ اس جیت کے بعد وہ ٹورنامنٹ کے تیسرے مرحلے میں پہنچ گئی ہیں۔

لندن (نمائندہ خصوصی) یورپا فٹبال لیگ کے میچ میں ایورٹن کی ٹیم نے ریوزمبروک کو ایک صفر سے ہرا دیا ہے ۔ یورپا فٹبال لیگ کے میچ میں ایورٹن اور ریوزمبروک کی ٹیموں میں مقابلہ ہوا ۔ دونوں ٹیموں کے درمیان دلچسپ کھیل دیکھنے کو ملا ۔ ایورٹن اور ریوزمبروک نے ایک دوسرے کی گول پوسٹ پر تابڑ توڑ حملے کیے لیکن کامیابی نہ ملی ۔ دونوں کے درمیان پہلے ہاف تک کھیل بغیر کسی گول کے برابر رہا ۔ میچ کے 80 ویں منٹ میں ایورٹن نے مخالف ٹیم کیخلاف زبردست گول کر کے برتری ایک صفر کر دی جو کھیل کے اختتام تک برقرار رہی ۔

نیویارک (نمائندہ خصوصی ) جاپان کے کائی نیشکوری ارجنٹائن کے مارٹن ڈیل پوٹرو کو ہرا کر سٹی اوپن ٹینس کے کوارٹر فائنل میں پہنچ گئے ۔ سٹی اوپن ٹینس کے کانٹے دار مقابلے امریکہ میں جاری ہیں ۔ پری کوارٹر فائنل میں جاپان کے کائی نیشکوری نے عمدہ کھیل پیش کیا ۔ارجنٹائن کے مارٹن ڈیل پوٹرو حریف کے سامنے بے بس دکھائی دئیے ۔ شائقین نے جاپانی ٹینس سٹار کو شاندار کھیل پر بھرپور داد دی ۔ کائی نیشکوری نے مارٹن کو سٹریٹ سیٹس میں ہرا کر کوارٹر فائنل میں جگہ بنائی ۔