ٹیسٹ کرکٹر راحت علی رشتہ ازدواج میں منسلک
ملتان: (نمائندہ خصوصی) ٹیسٹ کرکٹر راحت علی شادی کے حسین بندھن میں بندھ گئے، بارات میں رشتے دار اور عزیز و اقارب نے شرکت کی۔ سہرا بندی کے راحت دلہنیا لینے نیو ملتان اپنے والدین، رشتے داروں اور دوست احباب کے ساتھ پہنچے۔ راحت علی جب دلہن لینے نجی شادی ہال پہنچے تو ان کے دوستوں نے ڈھول کی تھاپ پر بھنگڑے ڈالے اور نوٹ بھی نچھاور کیئے۔ قومی ٹیسٹ کرکٹر نے اس موقع پر کالے رنگ کی شیروانی اور کلازیب تن کیا ہوا تھا۔
