Menu

Pak Army

pp

پرویز مشرف کو سزائے موت کا حکم

, , , 0

خصوصی عدالت نے سنگین غداری کیس میں سابق صدر جنرل ریٹائرڈ پرویز مشرف کو سزائے موت کا حکم دے دیا۔خصوصی عدالت کے سربراہ وقار سیٹھ نے سنگین غداری کیس کا مختصر فیصلہ سنایا۔خصوصی عدالت کے 3 رکنی بنچ نے دو ایک کی اکثریت سے یہ فیصلہ دیا جبکہ اس پر ایک جج نے اختلاف کیا۔عدالت کا کہنا ہے کہ جنرل پرویز مشرف پر آرٹیکل 6 کا جرم ثابت ہوتا ہے، تفصیلی فیصلہ 48 گھنٹے میں سنایا جائے گا۔اس سے قبل آج خصوصی عدالت میں سابق صدر جنرل ریٹائرڈ پرویز مشرف کے خلاف سنگین غداری کیس کی سماعت ہوئی جس کے دوران عدالت نے استغاثہ کی شریک ملزمان کے نام کیس میں شامل کرنے کی درخواست مسترد کر دی۔استغاثہ نے عدالت میں مؤقف اختیار کیا کہ سابق چیف جسٹس عبدالحمید ڈوگر، سابق وزیر قانون زاہد حامد اور سابق وزیرِ اعظم شوکت عزیز کو بھی شریک ملزم بنایا جائے۔خصوصی عدالت نے اپنے ریمارکس میں کہا کہ اس پر سپریم کورٹ کا فیصلہ آ چکا ہے، آپ نے ترمیمی شکایت داخل کرنے سے متعلق وفاقی کابینہ کی منظوری لی؟وکیل استغاثہ علی باجوہ نے جواب دیا کہ سیکریٹری داخلہ کو 12 دسمبر کو خط لکھا تھا۔عدالت نے ہدایت کی کہ ہمارے سامنے اس سے متعلق کوئی درخواست نہیں، آپ کیس کے میرٹس پر دلائل دیں۔وکیل استغاثہ علی باجوہ نے کہا کہ ہم 2 مزید گواہان پیش کرنا چاہتے ہیں۔جسٹس سیٹھ وقار نے کہا کہ آپ استغاثہ ہو کر ملزم کے دلائل دے رہے ہیں، آپ پرویز مشرف کی بریت کی درخواست کی مخالفت کریں گے یا نہیں؟وکلائے استغاثہ علی باجوہ اور منیر بھٹی ایڈووکیٹ نے کہا کہ ہم بریت کی درخواست کی مخالفت کریں گے۔عدالت نے سماعت کے دوران متعدد بار ہدایت کی کہ استغاثہ اپنے دلائل شروع کرے۔وکیل استغاثہ علی باجوہ نے کہا کہ اسلام آباد ہائی کورٹ کا فیئر ٹرائل کا فیصلہ بھی آچکا ہے۔جسٹس سیٹھ وقار نے کہا کہ ہمیں سپریم کورٹ کے فیصلے کو دیکھنا ہے۔پرویز مشرف کے سابق وکیل سلمان صفدر نے عدالت میں بولنے کی اجازت مانگ لی۔عدالت نے انہیں ہدایت کی کہ ہم آپ کو بولنے کی اجاز ت نہیں دے سکتے، آپ پہلے سپریم کورٹ سے اپنے فیصلے پر ریویو کرائیں، یہ پیچیدہ مقدمہ ہے، آپ کو اجازت نہیں دے سکتے، البتہ آپ رضا بشیر کی معاونت کر سکتے ہیں۔جسٹس سیٹھ وقار نے کہا کہ اشتہاری کا کوئی حق نہیں ہوتا جب تک وہ عدالت کے سامنے سرینڈر نہ کرے۔جسٹس نذر اکبر نے کہا کہ استغاثہ 100 فیصد بد دیانتی کر رہا ہے۔پرویز مشرف کے وکیل رضا بشیر نے دلائل دیتے ہوئے عدالت سے استدعا کی کہ پرویز مشرف کو 342 کا بیان دینے کا ایک اور موقع دیں۔جسٹس سیٹھ وقار نے کہا کہ عدالت نے موقع فراہم کیا، اب وہ وقت گزر چکا ہے، آپ کیس کے میرٹس پر دلائل دیں، آپ 342 کا بیان دیں، آپ کو سن لیا، آپ کا شکریہ۔

Lt. Arsalan Shaheed

کیا ہو رہا ھے؟ لیفٹیننٹ :کچھ نہیں. پھر بھی؟ لیفٹیننٹ : دشمن کی گولی کا انتظار کر رہا ہوں

, , , , , , , 0

Lt. Arsalan Shaheed

کیا ہو رہا ھے
لیفٹیننٹ :کچھ نہیں
پھر بھی
لیفٹیننٹ : دشمن کی گولی کا انتظار کر رہا ہوں
نہیں یار کیا گپیں مار رہے ہو
لیفٹیننٹ: گپ نہیں یہاں صرف شہادت کے لئے ہی تو موجود ہوں۔
جانتے ہیں یہ پاکستان کے ایک بہادر بیٹے کی دوست کے ساتھ آخری گفتگو تھی اور اس کے اگلے دن ہی اس جانباز نے جو کہا وہ کر کے دکھا دیا۔
ذرا سوچئے بائیس سال کی عمر میں آج کے نوجوان عیاشی ،آوارا گردی، فلرٹنگ کے نت نئے طریقے سیکھنا شروع کرتے ہیں۔
اس عمر کے نوجوانوں پر بالی وڈ حسیناؤں کا جادو سر چڑھ کر بولتا ھے۔ بائیک سے سائیلنسر نکال کر ریسیں لگانا، راہ چلتی خواتین پر آوازیں کسنا، دن رات لڑکیوں سے پیکج لگا کر باتیں کرنا ہم نوجوانوں کے پسندیدہ مشاغل ہیں۔
لیکن شاید کوئی تو ھے جو اپنے اہل و عیال ، اپنی جوانی، ماں باپ اور جوان بہنوں وہ بھی تین تین ۔۔۔۔۔ کی پرواہ نہیں کرتا۔
ذرا سوچئے اس ماں کا کیا حال ہوگا جسکا اکلوتا بیٹا جسے اس نے جی بھر کر دیکھا بھی نہیں اور پتہ چلے کہ اسکا بیٹا اب دنیا میں نہیں رہا وہ بہنیں کس حال میں ہونگی جو اپنے بھائی کے سر پر سہراسجانے کے خواب دیکھ رہی تھیں لیکن وہ سبز ہلالی میں لپٹ کر گھر آیا اسکا باپ جو سوچ رہا تھا کہ میرا بہادر اور لائق بیٹا میرے بڑھاپے کا سہارا بنے گا لیکن آج اس باپ کو جوان بیٹے کا تابوت اٹھانا پڑا استغفراللہ
ارے ہاں یاد آیا ایویں میں ان لوگوں کو پریشان کر رہا ہوں جن کے ضمیر کی قیمت ایک پلیٹ بریانی یا قیمےوالا نان، ایک معمولی نوکری ، گلی یا نالی پکی کرنے سے زیادہ نہیں
چھوڑو یار آپ تو بزی ہوگے نا ۔۔۔۔۔۔۔لگے رہو اپنے لیڈران کی لوٹ مار، کرپشن ،حرامخوری ، منی لانڈرنگ ، جھوٹے وعدوں کا دفاع کرنے
خوامخواہ پریشان نہ ہوں وہ تو اسکا کام تھا اسکو اسکی تنخواہ بھی تو ملتی تھی نا
ایک چوکیدار کا یہی تو کام ہوتا۔۔۔۔۔۔۔۔!!!
لیکن ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ایک بات یاد رکھنا آزادی کو قائم رکھنا دنیا کا سب سے مشکل اور ناممکن ترین کام ھے اور آزادی ایسے ہی قائم نہیں رہتی
ہر روز کم ازکم ایک نوجوان بیٹے کا خون مانگتی ھے

150x90 featured image

آرمی چیف کی ہدایت پر آپریشن، 100 سے زائد دہشتگرد ہلاک

, , , , , , 0

آرمی چیف کی ہدایت پر آپریشن، 100 سے زائد دہشتگرد ہلاک
Operation On Coas Directionmore Then 100 Terrorists Killed

آرمی چیف کی ہدایت پر ملک بھر میں انٹیلی جنس بنیادوں پر آپریشن میں 100 سے زائد دہشت گرد ہلاک کردیے گئے، جنرل قمر جاوید باجوہ کا کہنا ہے کہ دہشت گردوں کو بلاتفریق اور بے رحمانہ انداز سے ٹارگٹ کریں گے، دہشت گرد کہیں بھی ہوں، انھیں نہیں چھوڑیں گے۔

آرمی چیف جنرل قمر باجوہ کا کہنا تھا کہ افواج پاکستان کسی خطرے کی صورت میں ملت پاکستان کی حفاظت کیلئے ہے، پوری قوم کو اپنی مسلح افواج کے ساتھ اعتماد کے ساتھ ثابت قدم رہنا ہے، دشمن کے کسی بھی منصوبے کو کامیاب نہیں ہونے دیں گے۔

آئی ایس پی آر کے مطابق آرمی چیف نے سہون شریف کا دورہ کیا اور زخمیوں سے ملاقات کی، انہوں نے دو ٹوک انداز میں اعلان کیا کہ دہشت گردوں کو بلاتفریق اور بے رحمانہ انداز سے ٹارگٹ کریں گے، وہ کہیں بھی ہوں، نہیں چھوڑیں گے۔

ڈی جی آئی ایس پی آر کے مطابق آرمی چیف کے حکم پر گزشتہ 24 گھنٹوں کے دوران کئی کومبنگ آپریشنز کیے گئے، جن میں اب تک ایک سو سے زائد دہشت گردوں کو مارا گیا ہے، انٹیلی جنس ادارے حالیہ واقعات کے پیچھے نیٹ ورکس بے نقاب کرنے میں پیشرفت کررہے ہیں،ان واقعات میں سرحد پار سے تعاون کے روابط موجود ہیں، سیکورٹی وجوہات پر بارڈر گزشتہ رات سےبند کردیا گیا ، افغانستان سے پاکستان کسی کو داخلے کی اجازت نہیں دی جائے گی، سیکورٹی فورسز کو بارڈر پر کڑی نظر رکھنے کی ہدایات دی گئی ہیں، پاک افغان سرحد پر دہشت گردوں کے ٹھکانوں کو موثر طور پر نشانہ بنایا گیا ہے۔

ڈی جی آئی ایس پی آر کے مطابق دہشت گردوں اور ان کے سلیپرز سیل کے خاتمے کی ہدایات جاری کی گئی ہیں، دوسری جانب آئی ایس پی آر کے مطابق کور کمانڈر راولپنڈی کی زیر صدارت قانون نافذ کرنے والے اداروں کے اعلیٰ حکام کی کانفرنس ہوئی جس میں راولپنڈی شہر میں سرچ اینڈ کومبنگ آپریشن تیز کرنے کا فیصلہ کیا گیا، گرینڈ سرچ آپریشن میں 34 مشتبہ افراد کو حراست میں لیا گیا ہے۔

قانون نافذ کرنے والے اداروں نے مانسہرہ، تورگر اور بٹگرام دہشت گرد تنظیموں کے ٹھکانوں پر چھاپے مارے جہاں سے بھاری تعداد میں اسلحہ برآمد کیا گیا۔ذرائع کے مطابق یہ اسلحہ سی پیک پر کام کرنے والے چینی باشندوں کے خلاف استعمال ہونا تھا، ملک کے دیگر علاقوں کی طرح ہزارہ، آزاد کشمیر اور گلگت بلتستان میں بھی چھاپےمارے گئے۔

150x90 featured image

چار کالعدم تنظیموں کے خلاف خفیہ کریک ڈاؤن کا آغاز

, , , , 0

چار کالعدم تنظیموں کے خلاف خفیہ کریک ڈاؤن کا آغاز
Launched A Secret Crackdown Against The 4 Banned Organizations

دہشت گردی کی حالیہ لہر کی تحقیقات میں پیش رفت ہوئی ہے۔چار کالعدم تنظیموں کے ملوث ہونے کے شواہد مل گئے۔ان تنظیموں کے خلاف ملک بھر میں خفیہ کریک ڈاؤن کا آغاز کردیا گیا ہے ۔

ذرائع کے مطابق دہشت گردی کے حالیہ واقعات میں کالعدم ٹی ٹی پی، جماعت الاحرار ، داعش براہ راست اور لشکر جھنگوی العالمی بالواسطہ ملوث ہیں ، تینوں کالعدم تنظیموں کے سربراہ افغانستان میں مقیم ہیں۔

ذرائع کا کہنا ہے کہ افغانستان سے ٹی ٹی پی کے سربراہ ملا فضل اللہ، جماعت الاحرار کے عمر خالد خراسانی ، لشکر جھنگوی العالمی کے صفدر خراسانی کی حوالگی کا مطالبہ کیا گیا ہے ۔ داعش کی پاکستان میں کارروائیوں کو حسیب لوگری نامی افغان کنڑول کررہا ہے ۔

انٹیلی جنس اداروں کو پشاور اور کوئٹہ میں نوعمر لڑکوں کی گرفتاریوں سے واقعات کی منصوبہ بندی کا علم ہوا تھا جس کے بعدضلعی سطح پر ڈسٹرکٹ انٹیلی جنس کمیٹیوں کو بھی متحرک کردیا گیا ہے۔

دوسری جانب ڈیرہ اسماعیل خان میں سیکورٹی فورسز نےکارروائی کر کے تین دہشت گردوں کو ہلاک کر دیا۔ دہشت گردوں کی موجودگی کی اطلاع پر گولاچی روڈ پرسیکورٹی فورسز نے کارروائی کی ۔

ذرائع کاکہناہےکہ ہلاک دہشت گردوں میں پولیس حملوں میں مطلوب مقبول بولی کے علاوہ سعداللہ اور شفیع اللہ بھی شامل ہیں،جن کے بیرونی عناصر سے رابطےتھے۔

گزشتہ روز بھی آرمی چیف کی ہدایت پر ملک بھر میں انٹیلی جنس بنیادوں پر آپریشن کئے گئے اور 100 سے زائد دہشت گرد ہلاک کردیے گئے –

ڈی جی آئی ایس پی آر کے مطابق انٹیلی جنس ادارے حالیہ واقعات کے پیچھے نیٹ ورکس بے نقاب کرنے میں پیشرفت کررہے ہیں،ان واقعات میں سرحد پار سے تعاون کے روابط موجود ہیں۔