لاہور: بھتہ خور کی موبائل شاپ پر فائرنگ

پنجاب کے سب سے بڑے شہر لاہور کے علاقے شیرا کوٹ میں مبینہ بھتہ خور نے موبائل فون شاپ پر فائرنگ کر کے علاقے میں خوف و ہراس پھیلا دیا۔واقعے کی سی سی ٹی وی فوٹیج کے مطابق مبینہ بھتہ خور موٹر سائیکل سے اترکر موبائل فون شاپ میں داخل ہوا۔دکان کا مالک کاؤنٹر کے عقب میں کھانا کھا رہا تھا کہ ملزم نے اچانک فائرنگ کر دی اور پھر گلی میں نکل کر فائرنگ کرتے ہوئے فرار ہو گیا۔پولیس نے بھتہ خور کی فائرنگ کے واقعے کا مقدمہ درج کر لیا ہے۔علاقہ مکینوں کے مطابق ملزم عمیر بٹ اور اس کا بھائی زبیری دکانداروں سے بھتہ لیتے ہیں، جبکہ انکار کرنے پر فائرنگ کر کے ڈراتے، دھمکاتے ہیں۔