آرمی چیف اچانک افغانستان کیوں پہنچ گئے

پاک فوج کے سربراہ جنرل قمرجاوید باجوہ ایک روزہ دورے پر پڑوسی ملک افغانستان پہنچ گئے۔پاک فوج کے شعبۂ تعلقاتِ عامہ (آئی ایس پی آر) کے مطابق آرمی چیف جنرل قمر جاوید باجوہ نے افغان صدر اشرف غنی سے ملاقات کی ہے۔افغان میڈیا کے مطابق آرمی چیف جنرل قمرجاوید باجوہ نے افغان صدر سے ملاقات میں دو طرفہ تعلقات اور بارڈر مینجمنٹ سے متعلق معاملات پر تبادلۂ خیال کیا۔جنرل قمر جاوید باجوہ کی افغان صدر اشرف غنسی سے ملاقات کے دوران افغان مفاہمتی عمل پر بھی بات چیت کی گئی۔دورے میں آرمی چیف کے ہمراہ ڈی جی آئی ایس آئی لیفٹیننٹ جنرل فیض حمید اور افغانستان کے لیے پاکستان کے نمائندۂ خصوصی محمد صادق بھی ہمراہ ہیں۔