بھارتی خواجہ سرا نے ممبئی یونیورسٹی میں داخلہ لے لیا
ممبئی: (نمائندہ خصوصی) خواجہ سرا کے طور پر سری دیوی نے ممبئی یونیورسٹی میں بی اے کرنے کے لیے داخلہ لیا ہے۔ کاغذات پر سری دیوی کا نام سنتوش لوندھے درج کیا گیا ہے اور یونیورسٹی میں داخلہ لینے سے پہلے وہ انٹیریئر ڈیزائنر، میک اپ آرٹسٹ اور بھرت ناتیئم ڈانسر کے کورسز کر چکی ہیں لیکن اب ممبئی یونیورسٹی میں انہوں نے نفسیات، سماجیات اور ادب کے مضامین منتخب کیے ہیں۔ سری دیوی کا مزید کہنا تھا اعلی تعلیم حاصل کرنا ہر انسان کا حق ہے لیکن ہمارے جیسے لوگوں کے لیے جنس کا باقاعدہ تعین نہ ہونے کی وجہ سے ہم اعلی تعلیم سے محروم رہے ہیں کیونکہ یونیورسٹی داخلہ فارم میں صرف لڑکا اور لڑکی کے خانے ہی موجود ہوتے تھے۔سری دیوی نے اس امید کا اظہار کیا کہ ان کے اس اقدام کے بعد دوسرے خواجہ سرا بھی اعلی تعلیم کی طرف آئیں گے اور خود کو تیسری جنس کے طور پر رجسٹر کروانے میں آر محسوس نہیں کریں گے۔واضح بھارتی ادارے تین سال قبل یونیورسٹی گرانٹس کمیشن نے تمام یونیورسٹیز کو حکم دیا تھا کہ وہ اپنے داخلہ فارموں میں جنس کے لیے مخصوص خانوں میں لڑکا اور ’لڑکی کے ساتھ خواجہ سرا کے خانے کا اضافہ بھی کریں جبکہ انہیں لڑکوں اور لڑکیوں ہی کی طرح اسکالرشپ کے یکساں مواقع بھی فراہم کیے جائیں تاہم ممبئی یونیورسٹی نے اس حکم پر عمل کرتے ہوئے پچھلے سال اپنے داخلہ فارم میں تبدیلی کر دی تھی۔
