چین میں طلاق کا دکھ بھلانے کا انوکھا طریقہ
لیوتائی کا کہنا تھا کہ مجھے اپنی طلاق پر شدید صدمہ ہوا جس سے نکلنے میں مجھے بہت وقت لگا۔ یہی وجہ ہے کہ میں اس صدمے سے دوچار دیگر خواتین کی مدد کرتی ہوں. طلاق کا صدمہ یقیناًکسی بھی عورت کیلئے زندگی کا سب سے سخت صدمہ ہو سکتا ہے اور اس سے پیچھا چھڑانا اتنا آسان نہیں ہوتا مگر چین میں مطلقہ خواتین نے اس صدمے سے جان چھڑانے کا ایک ایسا طریقہ دریافت کر لیا ہے کہ جان کر آپ کیلئے ہنسی روکنا مشکل ہو جائیگا۔ رپورٹ کے مطابق اس طریقے کے تحت خواتین کیلئے قبریں کھودی جاتی ہیں جن میں لیٹ کر وہ غوروفکر کرتی ہیں اور خود کو دنیا کی بے ثباتی کا یقین دلا کر طلاق کے دکھ سے نکلنے کی کوشش کرتی ہیں۔
رپورٹ کے مطابق یہ طریقہ چین کے جنوب مغربی شہر چونگ کنگ کی رہائشی 30سالہ خاتون لیو تائی جئے نے دریافت کیا تھا جب اسے طلاق ہوئی تھی۔ اسکے بعد اس نے دیگر مطلقہ خواتین کو اس طریقے کی طرف راغب کیا اور اب شہر میں یہ طریقہ باقاعدہ ایک رسم کی شکل اختیار کر چکا ہے۔
ہر سال نئی طلاق یافتہ خواتین ایک جگہ جمع ہوتی ہیں جہاں ان کیلئے تعداد کے تناسب سے قبرنما گڑھے کھودے جاتے ہیں۔ گڑھے میں پلاسٹک کی شیٹ بچھائی جاتی ہے جس کے اوپر خواتین لیٹ جاتی ہیں۔ ان کی آنکھیں بند اور ہاتھ عبادت کی حالت میں ہوتے ہیں اور وہ لیٹی ہوئی غوروفکر کرتی رہتی ہیں۔
لیوتائی کا کہنا تھا کہ مجھے اپنی طلاق پر شدید صدمہ ہوا جس سے نکلنے میں مجھے بہت وقت لگا۔ یہی وجہ ہے کہ میں اس صدمے سے دوچار دیگر خواتین کی مدد کرتی ہوں جس طریقے سے میں نے اپنا غم بھلایا اس میں اب میں ان کی مدد کرتی ہوں۔
