امریکا :مسلسل 11دن ہاکی کھیلنے کا عالمی ریکارڈ

دنیا میں ایسے منچلوں کی کمی نہیں جو اپنے شوق کو پایہ تکمیل تک پہنچانے کیلئے ہر جوکھم اٹھانے کیلئے تیار رہتے ہیں اور بات ہو جب عالمی ریکارڈ قائم کرنے کی تو بھلا انہیں کون روک سکتا ہے۔امریکی شہر بوفیلومیں بھی ایسے ہی منچلوں کھلاڑیوں کے درمیان دنیا کے طویل ترین ہاکی میچ کا انعقاد کیا گیا، جس میں کھلاڑیوں نے مسلسل 11روز تک ہاکی کھیل کر عالمی ریکارڈ قائم کردیا۔اس میچ میں مقامی لیگ کے 40کھلاڑیوں نے حصہ لیا اورمجموعی طور پر 10روز 10گھنٹے اور 3منٹ تک ہاکی میچ کھیل کر یہ کارنامہ سر انجام دیا۔واضح رہے کہ یہ میچ کینسر ریسرچ کیلئے 1ملین ڈالر کی امدادی رقم جمع کرنے کیلئے منعقد کیا گیا تھاجبکہ اس عالمی ریکارڈ کی آفیشل تصدیق تاحا ل نہیں کی جاسکی ہے۔