ذہنی دباؤ کو کم کرنے کے لیے کون سی چیزوں کو خوراک کا حصہ بنانا چاہیے؟

دباؤ ہماری ذہنی اور جسمانی صحت پر کئی منفی اثرات ڈال سکتا ہے۔ اس کو کم کرنے کے لیے ہم کئی اقسام کی کھانے کی چیزیں اپنی خوراک میں شامل کر سکتے ہیں۔ اسی سلسلے میں انڈین ٹی وی چینل این ڈی ٹی وی نے ایسی چیزوں کے بارے میں بتایا ہے جنہیں کھا کر ذہنی دباؤ کم کیا جا سکتا ہے۔

ذہنی دباؤ کو کم کرنے کے لیے خوراک میں مندرجہ ذیل چیزوں کو شامل کیا جا سکتا ہے:

1. ڈارک چاکلیٹ:
ڈارک چاکلیٹ میں فلیوونائڈز پائے جاتے ہیں جو کے ایسے اینٹی آکسیڈنٹس ہوتے ہیں جن کی مدد سے دماغ میں سیروٹینن کے لیول بڑھتے ہیں۔ کوشش کریں کہ آپ ایسی ڈارک چاکلیٹ کھائیں جس میں کوکوا کی مقدار 70 فیصد یا اس سے زیادہ ہو۔

2. بلیو بیریز:
بلیو بیریز میں اینٹی آکسیڈنٹس بھرپور مقدار میں پائے جاتے ہیں۔ ان میں وٹامن سی بڑی مقدار میں پائی جاتی ہے جس کی وجہ سے سوزش میں کمی اور جسم میں آکسیڈیٹیو سٹریس میں کمی آتی ہے۔

3. ایواکاڈو:
ایواکاڈو میں مونو سیچوریٹڈ فیٹس اور پوٹاشیئم بھرپور مقدار میں پائے جاتے ہیں جس سے بلڈ پریشر اور دباؤ میں کمی آتی ہے۔

4. سالمن:
فیٹس سے بھرپور سالمن مچھلی میں اومیگا تھری فیٹی ایسڈ ہوتے ہیں جس سے کورٹیسول لیول اور بے چینی (اینگزائٹی) میں کمی آتی ہے۔ سالمن مچھلی کو گرل کریں یا پکا کر سبزیوں کے ساتھ کھائیں۔

پالک
پالک میگنیشیئم سے بھرپور ہوتی ہے جس سے کورٹیسول کی سطح منظم رہتی ہے اور انسان کو سکون ملتا ہے۔ پالک کو سلاد، آملیٹ، سوپ وغیرہ میں شامل کرکے کھایا جا سکتا ہے۔

خشک میوے
بادام، اخروٹ، یا پستہ جیسے خشک میوہ جات صحت مند فیٹس، پروٹین، اور فائبر سے بھرپور ہوتے ہیں، جو بلڈ شوگر کو قابو میں رکھتے ہیں اور دباؤ کو کم کرتے ہیں۔

دلیہ
دلیے میں کاربوہائیڈریٹس پائے جاتے ہیں، جن سے دماغ میں سیروٹینن کی پیداوار بڑھتی ہے اور ذہنی سکون حاصل ہوتا ہے۔ دلیے کو پھلوں، خشک میوہ جات یا شہد کے ساتھ استعمال کریں۔

گل بابونہ کی چائے
گل بابونہ کی چائے میں سکون دہ خصوصیات پائی جاتی ہیں جو بے چینی کو کم کرتی ہیں اور نیند کی کوالٹی کو بہتر بناتی ہیں۔

گریک یوگرٹ
گریک یوگرٹ یعنی یونانی دہی میں پروٹین اور پرو بائیوٹکس بھرپور مقدار میں پائے جاتے ہیں جو معدے کی صحت کو بہتر بناتے ہیں اور موڈ کو خوشگوار بناتے ہیں۔

سبز چائے
سبز چائے یعنی گرین ٹی میں ایل تھیانین نامی امینو ایسڈ پایا جاتا ہے جو دباؤ کو کم کرتا ہے اور بغیر غمگینی کے سکون فراہم کرتا ہے۔ سبز چائے کا ایک کپ بنائیں اور اسے دن بھر پئیں تاکہ آپ کو ذہنی سکون ملے اور توجہ بہتر ہو۔