خبریں

ویانا (خصوصی نمائندہ) پاکستان کمیونٹی آسٹریا کے تمام افراد کو جان کر خوشی ہوگی کہ ہماری نئی نسل میں اردو زبان سے بڑھتی ہوئی لاتعلقی کے سدباب کی غرض سے کچھ فکر مند دوستوں نے آج ایک ادبی تنظیم کی بنیاد رکھی ہے جس کا نام (احبابِ ادب) تجویز کیا گیا ہے۔اِس تنظیم کے زیر اہتمام فروغ اردو کے سلسلے کی پہلی کا وش کے طور پر یوم پاکستان کے مبارک دن کے موقع پر 25 مارچ بروز ہفتہ شام چھ بجے بارہ ڈسٹرکٹ کے مقامی ہال میں ایک محفل مشاعرہ منعقد کیا جائے گا جس میں شرکت کی دعوت عام ہے۔

ایم پی ٹین کسی میوزک کمپنی یا ملٹری پولیس کا مخفف نہیں بلکہ خطرناک جراثیم ہیں جو دنیا بھر میں فضائی و دیگر آلودگی سے پھیل چکے ہیںاور اگر ان کو مزید پھیلنے سے نہ روکا گیا تو انسان کا سانس لینا دشوار ہو جائے گا۔عالمی ادارہ صحت ڈبلیو ایچ او کی حالیہ رپورٹ کے مطابق ماحولیاتی آلودگی ،غلاظت سے دنیا بھر میں لاکھوں بچوں کی اموات ہو رہی ہیں،ماحولیاتی گندگی اور حفظان صحت کا مناسب انتظام نہ ہونے سے ہر سال پانچ برس سے کم ڈیڑھ لاکھ سے زائد بچوں کی اموات ہو رہی ہیں اور زیادہ تر اموات کا شمار ترقی پذیر ممالک میں کیا گیا ہے۔جنیوا کی رپورٹ کے مطابق ترقی پذیر ممالک میں ہر چوتھا بچہ گندگی کے سبب موت کے منہ میں جا رہا ہے ۔موت کے خطرات دنیا میں ہر جگہ موجود ہیں لیکن بکثرت تمباکو نوشی ،فضائی آلودگی، کوکنگ آئل کا دھواں ،گندا پانی اور خاص طور پر صاف بیت الخلاء نہ ہونے سے جراثیم پھیل جانے کے سبب اموات میں اضافہ ہو رہا ہے۔بڑوں کے علاوہ بچے خاص طور پر اس گندگی کا شکار ہوتے ہوئے ڈائریا،ملیریا اور نمونیا میں مبتلا ہو کر جان گنوا رہے ہیں دیگر عوامل میں نا مناسب دوا علاج اور جعلی ادویہ کے علاوہ جعلی معالج کا علاج بھی اموات کا حصہ ہیںکیونکہ معصوم بچوں کے نازک اورگان اور مدافعتی نظام شدید متاثر ہوتے ہیں جس سے انہیں سانس لینے میں دشواری ہوتی ہے ،آلودگی وہ کسی بھی شے کی ہو سب کو اپنی گرفت میں لیتی ہے انفیکشن سے ابتداء ہوتی ہے اور موت اختتام۔ادارے کی جنرل ڈائریکٹر مارگریٹ چن کا کہنا ہے اموات کی چند اہم وجوہات یہ ہیں کہ گندگی سے سانس کی نالیوں میں انفیکشن ہو جاتی ہے۔ڈائریا،مناسب علاج دوا نہ ہونے سے حاملہ خواتین کا پہلے دو ماہ میں بچے کے اورگان میں پیچیدگیاں پیدا ہونا ،ملیریا،نظام زندگی درست کا نہ ہونا جس میں ٹرانسپورٹ وغیرہ کی سیفٹی اور ایکسیڈنٹ ہونا، زہریلے مواد کا استعمال ،ڈوب جانے یا کسی بھی قسم کے حادثات کی صورت میں اموات ممکن ہوتی ہیں۔ادارے کے ترجمان کا کہنا ہے کہ ترقی پذیر ممالک کو فوری طور پر صاف پانی ، کوکنگ اور حرارتی نظام ،تعلیمی اداروں میں صاف بیت الخلاء اور بجلی کی اشد ضرورت ہے۔

Transport Pollution

شہروں میں زیادہ سے زیادہ سبزہ اور ٹرانسپورٹ سسٹم کی درستگی اہم ترین ہے یعنی جس سے کم سے کم کاربن ڈائی آکسائڈ کا اخراج ہو ،کیمیکلز انڈسٹریز کو زہریلے مواد سے پیدا ہونے والے دھوئیں کے اخراج کا مکمل بندوبست کرنا لازمی ہے تاکہ کم سے کم دھواں پھیلے۔ایم پی ٹین۔پارٹی کیولیٹ میٹر کے دو سائز ہیں ایم پی ٹو پوائنٹ فائیو اور ایم پی ٹین، جن کا زیادہ سے زیادہ حجم ٹو پوائنٹ فائیواور ٹین مائکرو میٹر ہوتا ہے علاوہ ازیں فائن ڈسٹ کا شمار بھی ترقی پذیر ممالک میں کیا گیا ہے جو کہ خطرناک ہے ماہرین کا کہنا ہے ایم پی ٹین جتنا زیادہ مقدار میں ہوگی اتنا زیادہ آلودگی کی سطح میں اضافہ ہو گا۔دنیا کے چند ممالک جہاں ایم پی ٹین کا بوجھ زیادہ شمار کیا گیا ہے۔

پہلے نمبر پر نائجیریا دوسرے نمبر پر پاکستان اور ایران،سعودی عرب،افغانستان، چین، اور بھارت کا شہر گوالیار ہیں ان شہروں میں پانچ سو چورانوے سے تین سو انتیس کیوبک میٹر کے حجم میں ایم پی ٹین پھیلی ہوئی ہے جو جان لیوا ہے ۔ترقی یافتہ ممالک میں کسی قسم کی کنسٹرکشن سے پہلے مکمل پلاننگ کی جاتی اور حکومت سے اجازت نامہ لیا جاتا ہے۔

پلاننگ میں سر فہرست اخراج کا سسٹم ہوتا ہے مثلاً فیکٹری کے دھوئیں کا اخراج، مکان بنانے سے پہلے سیوریج سسٹم، ریستوراں کے لئے مناسب مقام اور کوکنگ آئل کے اخراج کا طریقہ تاکہ لوگ دھوئیں سے متاثر نہ ہوں یا موٹر ویز کی تعمیر کے لئے ٹرانسپورٹ منسٹری سے منظور شدہ پلاننگ وغیرہ پر عمل درامد کیا جاتا ہے ،جب تک ترقی پذیر ممالک میں سیفٹی فرسٹ کا نظام قائم نہیں ہو گا کوئی ملک ترقی نہیں کر سکتا ،کئی ممالک کے زوال کی مثالیں ہم سب کے سامنے ہیں۔

پیرس (خصوصی نمائندہ) سلاو میں معروف صحافی وقار ملک اور چوہدری محمد اشتیاق کی جانب سے ایک تقریب کا انعقاد کیا گیا جس میں مہمان خصوصی اوورسیز پاکستانیز کمیشن پنجاب کے کمشنر محمد افضال بھٹی کے علاوہ مقامی سیاسی اور سماجی شخصیات نے شرکت کی۔تقریب کا اہتمام برٹش پاکستانیوں کو موجودہ حالات میں اپنے مفادات کا تحفظ کرنے بارے ا?گاہی دی گئی۔کہ کس طرح اپنی جائداداوں اور وراثت کی حفاظت کی جاسکتی ہے۔ چوہدری محمد اشتیاق نے اس موقع پر کھلے الفاظ میں کہا کہ ستم گری یہ ہے کہ اس وقت جو سیاست دان یا سوشل لیڈرز اوورسیز پاکستانیوں کی جائیدادوں پر ہاتھ صاف کرتے ہیں۔مشکل پڑنے پر ہمیں انھی سے مدد مانگنے کی ترغیب دی جاتی ہے۔تقریب کے حاضرین کی بڑی تعداد عام طور پر پاکستان سے آنے والے منسٹرز اور ایم پی کی تعریفوں کے پل باندھنے لگتے ہیں اور ان کی مریدی میں لگ جاتے ہیں اور ایسا ہی ہوا کئی لوگوں نے اپنی تقاریر میں کمشنر صاحب کو عرش پر بٹھا دیا مگر چوہدری اشتیاق نے اس بار اس ٹرینڈ کو بدلنے کی کوشش کی اور مطالبہ کیا کہ اوورسیز پاکستانیوں کے لئے ایک ایسا ادارہ ہونا چاہئیے جو کہ ان کے ساتھ زیادتی کرنے والی سیاسی اور بارسوخ شخصیات کو بھی کٹہرے میں لا کھڑا کر سکے۔محمد افضال بھٹی نے اس موقع پر کہا کہ برٹش پاکستانی پاور آف اٹارنی دیتے وقت اس بات کا خاص خیال رکھیں کہ پاور آف اٹارنی میں صرف مخصوص شقیں شامل کریں جن کی معاملہ سلجھانے میں ضرورت ہو نہ کہ مکمل اختیارات دے دیں اس طرح وہ اپنے ہاتھ پاوں کٹوا بیٹھتے ہیں۔اگر سائل پاور آف اٹارنی میں مکمل اختیارات دے دیں تو حکومت بھی ان کی مدد نہیں کر سکتی۔ ان کا یہ بھی کہنا تھا کہ زیادہ تر کیسز جو ان کے محکمے کے سامنے لائے جاتے ہیں ان میں رشتہ دار ہی اپنے سمندرپار رشتہ داروں کے ساتھ زیادتیاں کرتے ہیں۔آخری اور نہایت ضروری بات یہ کہ اوورسیز پاکستانیز کو اپنی جائیدادوں یا کسی قسم کی زیادتی کی شکایت اوورسیز پاکستانیز کمیشن کی ویب سائٹ پر رجسٹر کرائیں۔ اور اپنا ریفرنس نمبر محفوظ رکھیں اس کے بغیر آپ کے مسئلے کا حل ناممکن ہے۔ویب سائٹ پر کیس رجسٹر ہونے کے بعد ان کے ادارے کے لئے واجب ہو جاتا ہے کہ مسئلہ حل کروائیں۔ان کا مزید کہنا تھا کہ میاں شہباز شریف بذات خود اس ویب سائٹ پر رجسٹر ہونے والے کیسز کی نگرانی کرتے ہیں۔

برسلز (خصوصی نمائندہ) چیئرمین کشمیر کونسل ای یو علی رضا سید نے مقبوضہ کشمیر کے علاقے کپواڑہ میں سات سالہ معصوم بچی کی بھارتی فورسز کے ہاتھوں شہادت کی سخت الفاظ میں مذمت کی ہے۔ برسلز سے اپنے ایک بیان میں انھوں نے کہاکہ یہ واقعہ انتہائی افسوسناک اور قابل مذمت ہے۔واضح رہے کہ سات سالہ بچی بھارتی سکورٹی فورسز کی طرف سے ایک حملے کے دوران شہید ہوئی۔ اس واقعے میں اس بچی کا چھ سالہ بھائی فیصل بھی زخمی ہوا ہے۔ سیکورٹی فورسز نے یہ کاروائی اس سے قبل اسی علاقے میں ایک حملے کے دورا ن ایک پولیس اہلکار کے زخمی ہو جانے کے بعد انتقام کے طور پر کی۔علی رضاسید نے معصوم اورکمسن بچی کی شہادت اس المناک واقعے پر ردعمل ظاہرکرتے ہوئے کہاکہ یہ بھارت کی انتہائی وحشیانہ ریاستی دہشت گردی ہے ۔ بے گناہ اور نہتے لوگوں کو ماردیناایک غیرانسانی اور ناقابل تحمل فعل ہے۔ اب کشمیرمیں معصوم بچے جن کا کسی لڑائی سے کوئی واسطہ نہیں ہوتا، بھی بھارتی درندگی سے محفوظ نہیں۔ بھارتی حکمرانوں نے کشمیرکے لوگوں سے پرامن اور باوقار زندگی کا حق ہی چھین لیاہے۔ ان کی جان ، مال اور عزت محفوظ نہیں۔ کشمیریوں کا قتل عام اوران کی عزت کو پامال کرنابھارتی فوجیوں کا معمول بن گیا ہے۔ علی رضاسید نے کہاکہ یہ ایک غیرجمہوری اورغیرانسانی فعل ہے۔ یہ وحشیانہ ہتھکنڈے بھارتی حکومت کی اخلاقی کمزوری کی عکاسی کرتی ہیں۔ بھارتی حکومت طاقت کے زورپر مقبوضہ کشمیرکے لوگوں کو دبانا چاہتی ہے۔کشمیر پر اپنا قبضہ برقرار رکھنے کے لیے بھارتی حکومت ہرحربہ استعمال کررہی ہے جس میں انتہائی تشدد اوربے پناہ ریاستی دہشت گردی بھی شامل ہے۔انھوں نے کہاکہ بھارت کویادرکھناہوگاکہ کشمیریوں کا حق خودارادیت عالمی سطح پر ایک تسلیم شدہ حق ہے اور وہ اس حق سے کبھی بھی دستبردارنہیں ہوں گے۔جب تک مسئلہ کشمیرکشمیرکے لوگوں کی خواہشات کے مطابق حل نہیں ہوجاتاہے ، حق خودارادیت کے لیے جدوجہدجاری رہے گی۔عالمی برادری کو مقبوضہ کشمیرکی صورتحال کانوٹس لینا چاہیے اور مسئلہ کشمیر کے حل کے لیے ایک فعال اور موثر کردار ادا کرنا چاہیے۔