فاسٹ بولر محمد عرفان نے بکیزسے رابطوں کا اعتراف کرلیا

فاسٹ بولر محمد عرفان نے پی ایس ایل کے دوران بکیزسے رابطوں کا اعتراف کرلیاہے،محمد عرفان نےبکیزسے رابطوں کا اعتراف اینٹی کرپشن یونٹ کے سامنے بیان ریکارڈ میں کیا۔اسپاٹ فکسنگ کیس میں فاسٹ بولر محمد عرفان نے اینٹی کرپشن یونٹ کے سامنے بیان ریکارڈ کرادیا جس میں ان کا کہنا ہے کہ گزشتہ تین ماہ سے ذہنی تناؤ اور دباؤ کا شکار تھا،اس لیے اسپاٹ فکسنگ کے معاملے سے پی سی بی کو آگاہ نہیں کرسکا،تاہم انہوں نے اپنے بیان میں اسپاٹ فکسنگ میں ملوث ہونے سے انکار کیا ہے۔ ذرائع کے مطابق محمد عرفان سے جس نے رابطہ کیا اسے بیان میں شامل کرلیا گیا ہے،عرفان نے اینٹی کرپشن یونٹ کے سامنے بیان دیتے ہوئے مزید کہا کہ میں نے کوئی غلط کام نہیں کیا، والد کے انتقال کے باعث آسٹریلیا کا دورہ چھوڑ کر پاکستان آنا پڑا۔پاکستان کرکٹ بورڈ محمد عرفان کے بیان ریکارد کرانے کے بعد چارج شیٹ کرنے یا نہ کرنے کا فیصلہ کرے گا۔اس سے پہلے چیئرمین پی سی بی شہریارخان نے میڈیا ٹاک میں کہا کہ اس بار کھلاڑیوں سے کہہ دیا ہے کہ جو بھی اسپاٹ فکسنگ میں ملوث ہوا، اس کا پورا کیریئر مشکوک ہوجائے گا۔چیئر مین پی سی بی ان کا یہ بھی کہنا تھا کہ اسپاٹ فکسنگ ٹریبونل جو بھی فیصلہ دے گا اسے تسلیم کریں گے، اگر کوئی کھلاڑی ملوث پایا گیا تو اس کا کیریئر ختم ہوجائےگا،باقی دو لڑکوں کو پی سی بی نے معطل نہیں کیا، آج اور کل کی بات چیت پر فیصلہ ہوگا کہ شوکاز نوٹس دیا جائے یا نہیں۔