الیکشن مہم میں استعمال ہونے والا جہاز جہانگیر ترین اور میرا مشترکہ تھا، عبدالعلیم خان

پنجاب کے سینئر وزیر عبدالعلیم خان کا کہنا ہے کہ الیکشن مہم اور حکومت سازی کے دوران استعمال ہونے والا جہاز جہانگیر ترین اور ان کا مشترکہ تھا۔اپنے ویڈیو بیان میں عبدالعلیم خان کا کہنا تھا کہ انہوں نے اور جہانگیر ترین نے جہاز مشترکہ طور پر لیز پر لیا تھا۔ جو بھی پارٹی میں آیا وہ ان کی یا جہانگیر ترین کی وجہ سے نہیں بلکہ عمران خان کی وجہ سے آیا۔ان کا کہنا تھا کہ وزیراعلیٰ عثمان بزدار کا سبسڈی دینے میں کوئی عمل دخل نہیں تھا۔ صرف جہانگیر ترین کی ملز کا فرانزک آڈٹ نہیں ہو رہا، انکوائری جاری ہے سب سامنے آ جائے گا۔