دنیا کا سب سے چھوٹا کیمرہ سینسر

کیلیفورنیا میں قائم ایک کمپنی نے دنیا کا سب سے چھوٹا کیمرہ سینسر تیار کیا ہے، جس نے تجارتی بنیادوں پر دستیاب سب سے چھوٹے امیج سینسر کا گنیز ورلڈ ریکارڈ اپنے نام کرلیا ہے۔میڈیا رپورٹس کے مطابق اومنی وژن نامی کمپنی کا کیمرہ سینسر ’OV6948‘ ریت کے دانے کے برابر ہے، جس کی پیمائش صرف 0.575 x 0.575 x 0.232 ملی میٹر ہے۔دنیا کا سب سے چھوٹا کیمرہ سینسر36/1۔انچ آپٹیکل فارمیٹ کا حامل کیمرہ سینسر 40 ہزار پکسل کی کلر تصاویر بنانے کی صلاحیت رکھتا ہے1/36۔انچ آپٹیکل فارمیٹ کا حامل کیمرہ سینسر آر جی بی بایر چپ کو استعمال کرتے ہوئے 40 ہزار پکسل کی کلر تصاویر بنانے کی صلاحیت رکھتا ہے، جبکہ30 فریم فی سیکنڈ کے ساتھ 200X200 ریزولوشن کی ویڈیو بھی بناسکتا ہے۔کمپنی کی ان ہاؤس سینسر ٹیکنالوجی ’OmniBSI+pixel‘ کی بدولت کیمرہ سینسر کم روشنی میں بھی معیاری تصاویر بناسکتا ہے جبکہ 120 ڈگری وائیڈ اینگل ویو تصاویر بنانے کے ساتھ ساتھ 30 ایم ایم رینج تک ڈیپتھ آف فیلڈ بھی دیتا ہے۔اومنی وژن کا کہنا ہے کہ کیمرہ سینسر ابتدائی طور پر طبی آلات جیسے اینڈو اسکوپس اور کیتھیٹرز کے لیے تیار کیا گیا ہےتاہم اسے فارنزک اور ڈینٹل آلات سمیت مختلف ضروریات میں بھی استعمال کیا جاسکتا ہے۔