آرمی چیف کی 11 انتہائی خطرناک دہشت گردوں کی سزائے موت میں توثیق

آرمی چیف جنرل قمر جاوید باجوہ نے 11 انتہائی خطرناک دہشت گردوں کی سزائے موت کی توثیق کردی۔آئی ایس پی آر کے مطابق سزائے موت کی توثیق پانے والے دہشت گرد مسلح افواج اور قانون نافذ کرنے والے اداروں پر حملوں میں ملوث تھے۔آئی ایس پی آر کے مطابق یہ دہشت گرد معصوم شہریوں کے قتل اور تعلیمی اداروں کو تباہ کرنے میں بھی ملوث تھے۔دہشت گردوں نے مسلح افواج کے 25 اہلکاروں اور ایک شہری کو بھی قتل کیا جبکہ ان کے حملوں میں 22 افراد زخمی بھی ہوئے۔آئی ایس پی آر کے مطابق دہشت گردوں کے قبضے سے اسلحہ اور دھماکا خیز مواد بھی برآمدہوا، ان کے خلاف فوجی عدالتوں میں مقدمہ چلایا گیا۔آئی ایس پی آر کے مطابق 22 مجرموں کو عمر قید کی بھی سزا سنائی گئی۔