پشاور زلمی نے اسلام آباد یونائیٹڈ کو جیتنے کے لئے 177رنز کا ہدف دے دیا
دبئی (نمائندہ خصوصی)پاکستان سپرلیگ کے تیسرے ایڈیشن میں پشاور زلمی نے اسلا م آبا د یونائیٹڈ کو جیتنے کے لئے 177رنز کا ہدف دے دیا ،ان کی اننگ میں کامران اکمل کے 53رنز نمایاں ہیں ۔دبئی میں پی ایس ایل تھری کے چوتھے میچ میں اسلام آبادیونائیٹڈ نے ٹاس جیت کرپہلے فیلڈنگ کا فیصلہ کیا ،پشاور زلمی کی جانب سے تمیم اقبال اور کامران اکمل نے اننگ کا آغاز کیا اور اسلام آباد کے باولرز کو تگنی کا ناچ نچایا،کامران اکمل 32گیندوں پر 53رنز بنانے کے بعدپاٹیل کے ہاتھوں اپنی وکٹ گنوا بیٹھے اس وقت ان کی ٹیم کا مجموعہ 7.3اوورز میں 69تھا۔تمیم اقبال نے سمتھ کے ساتھ مل کر ٹیم کے مجموعے میں52قیمتی رنزکا اضافہ کیا ،انہوں نے 39رنز بنائے جبکہ سمتھ30رنز بنا سکے ۔پشاور زلمی نے مقررہ اوورز میں 6وکٹوں کے نقصان پر 176رنز بنائے
اسلام آباد کی جانب سے فہیم اشرف نے 2،محمدسمیع،رسیل اور پاٹیل نے ایک ،ایک وکٹ حاصل کی
