بالی ووڈ اداکارہ سری دیوی کی آج 54 ویں سالگرہ ہے

ممبئی (نمائندہ خؒصوصی)  بالی ووڈ سٹار سری دیوی کا 54 واں جنم دن ہے ، انہیں بالی ووڈ کی پہلی فی میل سپر سٹار کا ٹائٹل دیا گیا ہے ، انہیں دو ہزار تیرہ میں بھارت کے چوتھے بڑے شہری ایوارڈ پدم شری سے نوازا گیا ۔

بالی ووڈ سٹار سری دیوی تیرہ اگست انیس سو تریسٹھ کو بھارتی ریاست تامل ناڈو کے شہر سیواکسی میں پیدا ہوئیں ،انہوں نے ہندی کے علاوہ تامل ، تیلگو ، ملیالم اور کنڈا زبان کی فلموں میں بھی کام کیا ، انہوں نے انیس سو اٹھہتر میں   سولہواں سال   سے بالی ووڈ میں قدم رکھا ۔

سری دیوی کو شہرت انیس سو تراسی کی فلم   ہمت والا   سے ملی ،   مسٹر انڈیا   ،   خدا گواہ   ،   لمحے    ،   چالباز    ،   صدمہ   اور   چاندنی   ان کی سپر ہٹ فلمیں ہیں ۔ فلمساز بونی کپور سے شادی کے بعد سری دیوی نے انیس سو ستانوے میں فلموں سے کنارہ کشی اختیار کر لی ۔

انہوں نے پندرہ برس بعد دو ہزار بارہ میں فلم   انگلش ونگلش   سے بالی ووڈ میں واپسی کی ۔ سری دیوی چار فلم فیئر کے علاوہ لا تعداد ایوارڈز حاصل کر چکی ہیں ۔