کپل شرما کی فلم فرنگی 10 نومبر کو ریلیز ہو گی

ممبئی: (نمائندہ خصوصی) معروف بھارتی کامیڈین کپل شرما کی فلم فرنگی کا شائقین کو بے صبری سے انتظار ہے، تاہم اب ان کا یہ انتظار ختم ہونے کو ہے کیونکہ کپل شرما نے خود 10 نومبر کو اس فلم کی ریلیز کا اعلان کر دیا ہے۔راجیو ڈھنگرا کی ہدایتکاری میں بننے والی اس فلم میں کپل شرما ایک عام لڑکے کا کردار ادا کر رہے ہیں جسے ایک لڑکی سے پیار ہو جاتا ہے۔ مونیکا گِل اس فلم میں ہیروئن جبکہ ایشتا دتہ بھی ایک اہم کردار میں نظر آئیں گی۔ خیال رہے کہ فرنگی کپل شرما کی دوسری فلم ہے، اس سے قبل انہوں نے عباس مستان کی ڈائریکشن میں بننے والی فلم کس کس کو پیار کروں کے ذریعے بالی ووڈ میں قدم رکھا تھا۔