شاہ رخ خان کی نئی فلم جب ہیری میٹ سجل کا ایک اور گانا ریلیز

بالی ووڈ کنگ شاہ رُخ خان اور انوشکاشرما کی آنے والی نئی فلم “جب ہیری میٹ سجل” کے پہلے سپرہٹ گانے “رادھا” کے بعد ایک اور گاناریلیز کر دیا گیا ہے۔شاہ رُخ اور انوشکا شرما کے نئے گانے “بیچ بیچ میں” ریلیز کے کچھ ہی دیر بعد یوٹیوب پر دھوم مچا دی جسے اب تک 10 لاکھ سے زائد افراد دیکھ چکے ہیں۔یہ زبردست گاناپریتم نے لکھا جسے اریجیت سنگھ، شلمالی کھولگڈے اور شیفالی الویئر نے اپنی خوبصورت آواز میں گایا ہے۔ گانے کی خاص بات یہ ہے کہ اس کا میوزک اس قدر جاندار ہے کہ یہ سننے والے کو خود ناچنے پر مجبور کر دے گا۔ہدایت کارامتیاز علی کی فلم جب ہیری میٹ سجل کی کہانی دو مرکزی کرداروں ہیری اورسجل کے گرد گھومتی ہے جو منگنی کی انگوٹھی کی تلاش میں ہیں۔کنگ خان اور انوشکا کی یہ رومینٹک ڈرامہ فلم 4 اگست کو سینما گھروں کی زینت بنے گی۔