پاکستان کے دارالحکومت اسلام آباد سے لاپتہ بچے کو 17 دن ہوگئے

اسلام آباد () پاکستان کے دارالحکومت اسلام آباد سے لاپتہ بچے کو 17 دن ہوگئے. پولیس کی طرف سے سکوت. سکیورٹی ادارے سراغ لگانے میں ناکام، والدین مضطرب اور عوام علاقہ پریشان، صدر پاکستان، وزیراعظم پاکستان اور چیف آف آرمی سٹاف سے نوٹس لینے کا مطالبہ۔تفصیلات کے مطابق24فروری 2021 کو تیرہ سالہ طالب علم عبدالمجید ولد نثار احمد بارہ کہو اسلام آباد کے ایک سکول سے لاپتہ ہے. 27 فروری کو والدین نے ایف آئی آر درج کرائی. تاحال کسی قسم کی کوئی پیشرفت نہیں ہوئی. والدین اور عوام علاقہ سخت خوف و ہراس میں مبتلا ہیں. اسلام آباد جیسے اہم شہر سے دن دیہاڑے کسی بچے کا سکول سے لاپتہ ہوجانا والدین اور طالب علموں کیلئے سخت تشویش کا باعث ہے. والدین نے صدر، وزیراعظم اور چیف آف آرمی اسٹاف سے مدد کی اپیل کی ہے.