سانحہ تیزگام سے متعلق نازیبا الفاظ پر فردوس شمیم نقوی کی معذرت

پی ٹی آئی رہنما فردوس شمیم نقوی سانحہ تیز گام میں جاں بحق ہونے والے افراد کے لواحقین سے تعزیت کے لیے میرپورخاص کی مسجد نبی رحمت پہنچے تھے جہاں تعزیت کے دوران پی ٹی آئی رہنما نے کہا کہ یہ واقعہ ’جہالت‘ کے باعث پیش آیا۔فردوس شمیم نقوی کے الفاظ پر وہاں موجود لوگ مشتعل ہوگئے تھے اور شدید احتجاج کرتے ہوئے انہیں مسجد سے باہر نکال دیا تھا تاہم اب سندھ اسمبلی میں اپوزیشن لیڈر فردوس شمیم نقوی نے سانحہ تیزگام میں جاں بحق افراد کے لواحقین سے معذرت کرلی ہے۔فردوس شمیم نقوی کا کہنا تھا کہ مجھے سیلنڈر کے معاملے پر بہتر الفاظ استعمال کرنے چاہیے تھے، میں نے صرف معاشرے میں خرابی کا ذکر کیا تاہم میرے بیان سے کسی کی دل آزاری ہوئی تو معافی چاہتا ہوں۔