فضل الرحمٰن نے وزیراعظم کی نقل اتاردی

جمعیت علماء اسلام (ف) کے سربراہ مولانا فضل الرحمٰن نے وزیراعظم عمران خان کی نقل اتاردی۔نیوز کانفرنس کے دوران مولانا فضل الرحمٰن نے وزیراعظم کی نقل اتارنے کے ساتھ موجودہ حکمرانوں کو کم عقل بھی قرار دیا۔انہوں نے عمران خان کی نقل اتارتے ہوئے کہا کہ اُس نے کیسے کہا تھا، قومی اسمبلی میں’میں کیا کروں؟ کیا میں حملہ کردوں؟‘مولانا فضل الرحمٰن نے اپنے کشمیر کمیٹی چیئرمین شپ کے دور پر حکومتی تنقید کا جواب دیتے ہوئے کہا کہ ’میں کیا کرتا؟ کیا حملہ کردیتا؟ کیسے کم عقل لوگ حکمران بن گئے ہیں۔گزشتہ روز وزیراعظم عمران خان نے مولانا فضل الرحمٰن کے آزادی مارچ پر تبصرہ کرتے ہوئے کہا تھا کہ وہ اپنی ڈوبتی سیاست بچانے کی کوشش کررہے ہیں۔