کراچی، پورٹ قاسم پر چینی انجینئر جاں بحق

کراچی میں پورٹ قاسم میں واقع نجی پاور پلانٹ میں کام کے دوران عمارت سے گرنے سے چینی انجینئر جاں بحق ہوگیا۔پولیس کے مطابق سکھن تھانے کی حدود پورٹ قاسم میں قائم نجی پاور پلانٹ میں کام کے دوران ایک شخص عمارت سے گرکر جاں بحق ہوگیا۔متوفی کی لاش کو ضابطے کی کارروائی کے لئے جناح اسپتال منتقل کردیا گیا جہاں اس کی شناخت چینی انجینئر ینگ آئی گو کے نام سے ہوئی ہے۔پولیس نے جائے حادثہ کا معائنہ کیا اور واقعہ کے وقت موجود افراد کا بیان قلمبند کیا۔