پیپلزپارٹی کی تاریخ قربانیوں سے بھری پڑی ہے ،اختر پرویز اعوان

مظفرآباد(آئی این پی)پی پی پی آزاد کشمیر کے آرگنائزر ممبر کشمیر کونسل اختر پرویز اعوان نے کہا ہے کہ پیپلزپارٹی کی تاریخ قربانیوں سے بھری پڑی ہے۔شہدائے گڑھی خدا بخش،شہداء سانحہ کار ساز اور دیگر جانی قربانیاں دنیا کی تاریخ میں منفردمقام رکھتی ہیں۔ان خیالات کا اظہار انہوں نے ایک تعزیت سے خطاب کرتے ہوئے کیا۔اس موقع پر پارٹی کے عہدیداران،اراکین کی بڑی تعداد موجود تھی۔مقررین نے شہداء کو خراج عقیدت پیش کیا۔ممبر کشمیر کونسل نے مزید کہا کہ پاکستانی عوام اور جمہوریت کی بحالی کیلئے جانوں کے نذرانے پیش کرنے والے لیڈروں اور ان کی پارٹی کو عوام کے دلوں سے کوئی نہیں نکال سکتا۔انہوں نے کہا کہ پی پی پی آزاد کشمیر شہدائے گڑھی خدا بخش کے افکار اور چیئرمین بلاول بھٹو زرداری کو چیئرمین بلاول بھٹو زرداری،محترمہ فریال تالپور کے ویژن کے مطابق صدر پی پی پی آزاد کشمیر چوہدری لطیف اکبر کی قیادت میں عوامی خدمت اور عوامی حقوق کے تحفظ کیلئے بھرپور کردار ادا کر رہی ہے۔ممبر کشمیر کونسل نے مزید کہا ہے کی کا عہدہ،اختیارات اور فنڈز قیادت پارٹی اور عوامی کی امانت ہیں جن میں کبھی خیانت نہیں ہو گی۔فنڈز سے آزاد خطہ کی تعمیر وترقی میں بھرپور کردارادا کریں گے۔