سنجے دت پر بننی والی فلم میں دھوکے باز شخص کو پیش کر رہے ہیں: رنبیر کپور

نئی دہلی: (نمائندہ خصوصی) سنجے دت کی زندگی پر بننے والی فلم میں مرکزی کردار ادا کرنے والے بالی ووڈ اداکار رنبیر کپور کا کہنا ہے کہ اس فلم میں سنجے دت کی حقیقی شخصیت کو پیش کیا جا رہا ہے۔ میڈیا سے بات کرتے ہوئے رنبیر کپور کا کہنا تھا کہ سنجے دت خود بہت ایماندار انسان ہیں، جو اپنی غلطیوں کے بارے میں جانتے ہیں۔ انہوں نے مزید کہا کہ ہم فلم میں گاندھی جیسے کردار کو پیش نہیں کر رہے بلکہ ایک بہت ہی دھوکے باز شخص کو پیش کرنے جا رہے ہیں۔ سنجے دت ایک بہترین بالی ووڈ اداکار اور خاندانی آدمی ہیں اور ایک قیدی، جنہوں نے قانون کی خلاف ورزی کی۔ رنبیر نے بتایا کہ سنجے دت کو پسند بھی کیا گیا اور ناپسند بھی کیا گیا، ان کا کردار کافی متنازعہ ہے۔ انہوں نے کہا کہ اگر میں سنجے دت کی جگہ ہوتا تو شاید اپنی زندگی کو اتنی ایمانداری سے بیان نہ کرتا اور نہ خود کو ایک بُرا انسان پیش کرتا، اگر کوئی ان کی زندگی سے کچھ سیکھ سکے تو یہ ایک مثبت بات ہو گی۔